[سعد الشقل]

نايف

يا علي من سلايل عبس بارض الكويت=ياسلامي علـى الفـردوس واديارهـا
بارك الله فيك مـع الطريـق سريـت=اعرف ان الرجال صدورها اسرارهـا

علي الهيفي

جيت لجلك على ماقيل لجلك نويت=مرحبا والمساري حسب مشوارها
بارك الله بنايف يوم جاني وجيـت=والسوالف نبي ناخذ من اخيارهـا

نايف

جيت يا مرحبابك من مشيت ولفيـت=واشرب الدله اللـي زايـد بهارهـا
واعرف اني من اعلام الشعر لوقريت=اسم غير اسمي المشهور باشعارهـا

علي الهيفي

شايف البيت واقرى كاتب البيت بيت=وانت شاعر تعرف اصغار وكبارها
الجدي يالدليله رمز كانـك غديـت=اعرف النـاس وانزلهـا بمقدارهـا

نايف

فاطن لي وانا كنت احسبك مادريت=اثر القوم بدري شـاف سبارهـا
سرها ووزن الخطوات لامن مشيت=وبلغ محمـد الردعـان بخبارهـا

علي الهيفي

اشهد انك تعرف الحر لامن دعيت=والحرار النوادر تبخص انظارها
العقول الكبير مابها اللـي يهيـت=وش يجيب الحرار اليوم لوكارها

نايف

ودي انشدك قبل شوي لكن نسيت=المعارك ماشوفك داخل ا سوارها ؟
انت مابعت معنا باالبلاد وشريـت=المس الجادل اللي تلفت انظارهـا

علي الهيفي

العن ابليس دامنك نسيت ولهيت=داخل المعركه ماكنت بجوارها
كانك اليوم بالخوّه معايه شقيت=اترك الخوّه اللي طافيه نارهـا

نايف

اسعد الله مسا شرواك خذ كمبليت=ادحم الزمل لا تهيبـك بزوارهـا
والله اني لمثلك باالقشر مرتكيت=وانت شكيت والنيـه ومعبارهـا

علي الهيفي

كل ذيبن ليامنه قنب لي عويـت=والسوالف لها انـواع باثمارهـا
عارف العمر واحد مت ولاحييت=مؤمنن بالقضا والنفس باقدارهـا

الموضوع الأصلي: نايف × علي الهيفي | | الكاتب: سعد الشقل | | المصدر: شبكة بني عبس

[علي الهيفي]

بيض الله وجهك ياسعد الشقل . واشكرك على جهودك وفيت وكفيت . لا خلا ولا عدم . وصح لسان استاذي نايف وبيض الله وجهه