[خليف الوهيداني]

يالعبـد الاتشكـي ظروفـك علـى النـاس = شـكــوى لـغـيـر الله ضــعــف ومــذلــه
ولـيـا وطــاك الظـيـم يالـعـبـد والابـــاس = عنـز عـلـى الـلـي خـالـق الـكـون كـلـه
الـلـي مـنـه ماينقـطـع حـبــل الايـــاس = وصـــم الـجـبـال الـراسـيــه يـسـجـدلـه
وسعـى لرزقـك والعمـر ضيـق واونـاس = ورج الــذي كــل الـبـشـر تـحــت ضـلــه
وكـبـر وهـلـل للـولـي صـبـح وادمـــاس = كـــبـــر وفــــــرض الله ل الله صـــلـــه
وصـبـر عـلـى جــور اليـالـي والاتـعـاس = والـصـبــر لــوطــال الـعـنــى لاتـمــلــه
وابعـد عـن الانـجـاس وعـيـال الانـجـاس = وراع الـــردا لـوهــو ولــــد عــــم زلــــه
وخلـك مـع اللـي سمعتـه ترفـع الـراس = وذكـــره وصـيـتـه بـالـكــرم شـاهـدلــه
الـلــي لياجـيـتـه بـالاوضــاع مـنـحــاس = يـقــوم لـــك ويـكـرمـك فــــي مـحـلــه
لوهوه من اقصا الناس ياطيـب السـاس = يــســوى قريب(ن)مايـظـلـلـك ظــلـــه
ولاتنـخـدع فــي قــرب مـاكــر وبـــلاس = وابعـد عــن الـلـي فـيـه شبـهـه وخـلـه
ومـــرد راع الـمـكـر لـبـنـوك الافــــلاس = لـــو الـمـكـر عـطــاه مـنـصــب وفــلــه
وراع المثـل قـد قــال الاهــب نسـنـاس = قــلـــه بـمـاقـالــه ومـاقــلــت قـــلـــه
مــن مـايـدوس الــراي يـقـدام يـنــداس = عـلـيــه ديــــس ومــارجــا مـاحـصـلــه
وماكـل طيـرن يابيـض الـوجـه جـنـراس = لويـشـبـه الـجـرنـاس فـــي مـنـظـرلـه
مثل البشر ماهو سوى اشكال واجناس = وكل(ن)عـلـى المـربـا نـشــت عـادتـلـه
وكل(ن)لرغـبـاتـه باهالـعـمـر عـســاس = ودرب الــــردا والـطـيــب كـل(ن)يــدلــه
والله خلـق لللادمـي شـوف واحسـاس = وكـل(ن)نـظـر عـيـنـه عـلــى حاجـتـلـه
ون ماحفظت الراس من ضربـت الفـاس = بــالــراس بــانــت لـلـبـشــر ضـربـتـلــه
واللـي يعاعـي مثـل متـعـاع الابـسـاس = عـلــه ومــــن خــــاواه غــثــه وعــلــه

الموضوع الأصلي: شـكــوى لـغـيـر الله ضــعــف ومــذلــه | | الكاتب: خليف الوهيداني | | المصدر: شبكة بني عبس

[عبدالرحمن الحميدي]

خليف الوهيداني

صح لسانك وهالقصيده بكل صراحه
لا تأتي إلا من شاعر متمكن مثلك وشرواك
وتقبل اعجابي طال عمرك ولا تحرمنا
من جديد العذب ياعذب....

[أميرة البنات]

صدقت

وصح لسسسسسسسسسسسسسسانك

[ابن شلال]

خليف الوهيداني صح لسانك قصيدة رائعه تحمل الحكمه وجزاله الشعر في ابياتها لك جزيل الشكر وتستاهل الختم

[ناصر خنيفر]

صح السانك على هذه القصيده الجزله

[سند الداموك]

قصيدة جزله وصح لسانك ياخليف

[&&&السفاح&&&]

صح السانك ولاهنت

[أمـ الشوق ـير]

صح لسانك
قصيدة رائعه تحمل الحكمه وجزالة الشعر في ابياتها