[جفاا]

/

/





يارفيف الماء.. وفجر العيد .. واحزان المواني
يااكثر اهل الأرض طيبة [ قلب ] واسرار(ن) دفينه



المكان اللي هنا مليان ضحكات واغاني
والكلام اللي بغيت اقول يحتاج لسكينه



شوفي الركن البعيد هناك كنه صدر حاني
هذا اللي يليق بشاعر وبنتـ(ن)حزينه



انسي الشارع وعتمات الزوايا والمباني
هاتي يدينك نلف الغيم .. ونشكل مدينه



عندي الليله كلام .. وصمت .. واخاف الثواني
تظلمه او تظلم اللي فيه كم ضاعت سنينه



بس لازم تسمعين اللي ابي ولا تراني
لو بعيده لك نسيت !! ورحت اقول اللي تبينه



شي واحد قبل ماابدا مابي اي شي ثاني
يخطر فبالك وانا اكشف لك شعورن تجهلينه



ان انا وبكل ماتحمله " احبك " من معاني
كنت وراح ابقى "احبك" لين مدري وشو لينه !!



بس والله ماقدرت انسى ولا همي نساني
لاذكرت انسان فيه اسرار مابينك وبينه



كل ماتطري علي فكره هواك الأولاني
اشعر اني انطعن مليون مره من يدينه



اشعر ان عيونك الله ماخلقها الا عشاني
كيف كانت تبتسم له قولي انك تخدعينه



صورة انه كان يمسح دمعك تزلزل كياني
وكيف كان يلم شعرك ويتبعثر في يمينه



حتى اسمك يوم رحت ادلللهـ حظي رماني
بنفس الإسم اللي يقول بذمتك ماهي غبينه !!



وكني اللي كل مااناديك بالاسم الفلاني
اطلب النسيان يترك منه شين تذكرينه



لاتظنيني آناني .. لا انا مانيب اناني
لو سلمت من الغرق بموت في ظهر السفينه



ياني ماكمل واعاني ...او اكمل مااعاني
كل مااسمع طاري اسمه او تجي عيني فعينه



اينا كان الضحيه واينا اللي كان جاني !!
مدري ولكن قراري... لازم انك تقبلينه !!



مثل ماكره فكرة انه وآحدن ياخذ مكاني
مقدر اجلس في مكان انسان كنتِ تعشقينه !!

الموضوع الأصلي: بسس لآزم تسمعين آللي آبي ولآآ ترآنــي ......... !! | | الكاتب: جفاا | | المصدر: شبكة بني عبس

[سكوتي عذابي]

أبداع من صميم القلب تقبلي اعجابي

[ولد حايل]

الله الله الله
على روعة المنظر والتصوووير
قصيدة اخذتني بعيدا عن متناول الحقيقه
لا اجيد التعبير اكثر

جود
سلمت اناملك على جود ما نقلتيه
بانتظاااااار جديدك
كي ابحر في خيالات اخرى

[جفاا]

اقتباس من مشاركة سكوتي عذابي أبداع من صميم القلب تقبلي اعجابي

تسسسلم آخوي كلك ذووووق :)

[جفاا]

اقتباس من مشاركة ولد حايل الله الله الله على روعة المنظر والتصوووير قصيدة اخذتني بعيدا عن متناول الحقيقه لا اجيد التعبير اكثر جود سلمت اناملك على جود ما نقلتيه بانتظاااااار جديدك كي ابحر في خيالات اخرى

يسسسلمك ربي خيوو كلك ذووق
لاخلاا ولاعدمم :)

[غيمة مطر]

آحســــــاس رائع ماقدمتيه آخذتني لعـــالم آجهله
انتقآُء مميزٌ يٍ جميلهَِ..

[جفاا]

تسسلمين غنآتي لاعدمتتج :~

[جرروح]

ابداع وروعه صح لسانك