[المعزب]

بالله قولو للمطوع سليمان=نفسه على ضلم العرب لاتقوده
في بيت علّام السراير والاكوان=نهار جمعه والخلايق شهوده
مكان محفوفاً بنفحات الايمان=تجيه من كل المناطق اوفوده
في منبره بين الاقامه والاذان=ادلى بعلماً ماتحضره بنوده
يقدح بشيخان المضالم والاديان=الي بنو بيت القضاه وعموده
على الشريعه دون زوداً ونقصان=يالي على العالم تعدا حدوده
من صوت واحد كيف تحكم على انسان=من دون ماتسمع للاخر اردوده
ماعمرها صارت بتاريخ الازمان=ولاهي مع اهل الدين قبل معهوده
تروي قصص من غير حجه وبرهان=خطبتك شوده وانت يالشيخ شوده
ياساعي التحريش من بين الاخوان=عليك حجان الرجال معقوده
حنا بشرع الله خوه وجيران=راضين في حكمه وشحه وجوده
الدين واحد والمذاهب والالوان=وعوايداً عند الرجال محموده
يضيق بجواها المنافق وينهان=عند الشريف الي عريبه جدوده
الله يديم الامن في كل الاوطان=ويعمي عيون اهل العيون الحسوده

الموضوع الأصلي: المطوع سليمان؟ | | الكاتب: المعزب | | المصدر: شبكة بني عبس

[الشاطئ المهجور]

تـروي قصـص مـن غيـر حجـه وبرهـان..... خطبتـك شـوده وانـت يالشيـخ شـوده ياساعـي التحريـش مـن بيـن الاخــوان...... عـلـيــك حــجــان الــرجــال مـعـقــوده حــنــا بــشــرع الله خــــوه وجــيـــران...... راضيـن فـي حكـمـه وشـحـه وجــوده الـديــن واحـــد والـمـذاهـب والالــــوان..... وعـوايــداً عــنــد الــرجــال مـحـمــوده

صح الله لسانكـــ وبيض الله وجهك اهنيك على ماقدمت
كفيت وفيت

تقبل مروري لقصيدتكــ العذبه

تحيتي لك

[ابوتوتو]

الله الله
يالمعزب
وهذا المطووع اطلق عليه احد المشايخ الرويبضه
وهو فعلاً يزيد من الشحناء والبغضاء بين الاخوان ويريد ان يفرق بين قبيلتين متجاورتين بينهم محبه واخوة
وذالك على حساب الشهرة والاعلام وانه هو الاجدر بالمعرفه وهذا المفروض انه ياخذ حقه من الردع وان ينال التوبيخ من الجميع

قصيدة جت بوقتها وهذا المتعارف والمطلوب من شعارنا
وعلى راسهم المعزب
وتستاهل الختم

[الشاوي]

الله يديم الامـن فـي كـل الاوطـان

ويعمي عيون اهل العيـون الحسـوده

صح لسانك قصيده جزله من شاعر جزل

[عبدالهادي بن صبح]

صح لسانك يالشاعر العملاق المعزب

قصيدة استمتعت بقرائتها ومعانيها

كفيت ووفيت يالشاعر العلم

[شاعر الصعاليك]

صح لسانك يالمعزب وقصيدة وافيه
ابدعت واجزلت

[سند الداموك]

من أجمل القصائد للأمانه .. المعزب صح لسانك ياغالي

راائع والله

تحياتي

[الموج الهادي]

صح لسانك يالشاعر العملاق المعزب

قصيدة استمتعت بقرائتها ومعانيها

كفيت ووفيت يالشاعر العلم