[شاعر بني عبس]

بمناسبة مزح النسيم بشعرها = والشمس معزومه على حفلة الغنج
والعطر سادر في بيادر زهرها = من غرة محرم الى نهاية الحج
والقلب مرهي مير كانه أرها = مادلها لفح الجديله ولا سج
عصرية ٍ خالط نداها خدرها = نسناسها غربي ومزناتها بلج
لديت ابروي ناظري من نظرها = والشوق يدوي بالمعاليق ويلج
واشيب عيني من تكسر اعبرها = يوم اتمقلها وانا موقفي حرج
كن الحمَار اللي يشع بنحرها = حبات رمان ٍ تساقط على ثلج
كم ونة ٍ بالصدر جابت خبرها = وكم سهرت نجمه وكم ذوبت مهج
ماني لحالي ذابل ٍ من سفرها = ويصيح من فرقا المظاليل محتج
حتى المرايا واحشتها صورها = ترزم عليها مثل ماترزم الخلج
حورية ٍ قل الكلام بثغرها = يكفيك عشر سنين ماتسمع الهرج
ينبت بصدري من تهذرف مطرها = روض ٍ ورا.. روض ٍ ..ومرج ٍ ورى مرج
جتني وانا قبل الوعد منتظرها = شوقي لها صهوة وشوفي لها سرج
استغفر الله من خطايا سهرها = والعذر لله ثم لعيونها الدعج

الموضوع الأصلي: جديد مساعد ( حفلة الغنج ) | | الكاتب: شاعر بني عبس | | المصدر: شبكة بني عبس

[فهيد الشويلعي]

صح لسان شاعرها
ولاهنت ع نقل الابيات
تحياتي

[شاعر بني عبس]

ملاحظه

والقلـب مرهـي ميـر كانـه ارهـا

مادلهـا لـفـح الجديـلـه ولا ســج

والقلب مرهي مير ماكنه ارها

خطئ مطبعي

يوم اتملقها >> يوم اتمقلها

اخطاء مطبعيه الرجاء تعديلها

[هامة العز]

اســـتــــغــــفــــر الله مــــــــــــــــن خـــــطـــــايــــــا ســـــهـــــرهــــــا

والـــــــــعـــــــــذر لله ثــــــــــــــــــم لـــعـــيــــونــــهــــا الـــــــــدعــــــــــج

صح لسان الشاعر لاهنت على النقل

[المر العذب]

شاعربني عبس


لله درك ..

وبيض الله وجه الزعيم ..

[الاجهر]

لله درك شاعر بني عبس على الملازيم انك جبتها
من البارح وهالقصيدة سيدة سهرنا

عصريـة ٍ خالـط نـداهـا خـدرهـا

نسناسهـا غربـي ومزناتـهـا بـلـج

لديت ابـروي ناظـري مـن نظرهـا

والشـوق يـدوي بالمعاليـق ويـلـج

عصريـة ٍ خالـط نـداهـا خـدرهـا

نسناسهـا غربـي ومزناتـهـا بـلـج

لديت ابـروي ناظـري مـن نظرهـا

والشـوق يـدوي بالمعاليـق ويـلـج

وصح السان الشاعر / مساعد الرشيدي
تحياتي لك

[سالم الرشيدي]

روووووووعه
صح السأن أبو فيصل
ولاهنت شـأأعر بني عبس

[أمـــير بـكلمتي]

شاعر بني عبس مشكور على الطرح

ابو فيصل شاعر كبير غني عن التعريف