[سيف عبس]

بما اني الوصي على شعر يوسف فأبشروا باللي يطيح بيدي....
تفضلوا......



{روضة القيعان}

يامعذبني بنار البعد خلت النار جنة!=نارك أشوى شوي من جنة خبيثين الضغينة!!
من سقى جمر الغضى أنفاسه تسارج عقب لنه=وطيرت عنه الرماد ونالت الدفؤة يدينه
سيدي راجيك:لاطيب... ولاميؤس منه..=لأنك تعزم الهموم بقلبه... وتسكن بعينه
وقال:لو إنه تحصن من عقب طعن الأسنة؟=كان ماعاف الهدير ولج بضلوعه حنينه!
وحن قلبه من هواجيس الحنين وخالفنه!=وطول صراع الأنداء!ومصلح الندين وينه؟
جلجلت سمر الجبال...وهن؟ ما هناه هنه!=شاف بالريضان خضرة بس ثمرتها رهينة!
حل قاع صفصف وهلن مزونه وأمطرنه=وأنبتن ورد بوحل قاعه وخلاء القاع زينه
ومن يمجد صافناته؟ لأطلقت يده الأعنة:=واجب يبرهن كلامه قبل مايدعي ضنينه!
بس كيف اللي يحل القاع نرجي حسن ظنه؟=ومن كسى القاع بخضاره ماأشكروا له طالبينه!
لين قاطن {روضة القيعان} شاف الشهب جنه=وحلت النقمة عليه بما جنى بسالف سنينه
لاذكر تفريط نفسه جاوب العبرة بونه=ماجداه ألا الحسايف!لا جزاء الله راحمينه!
من نسى خير الجبال السمر..سمره ذكرنه!=لاتمرق شر نسيانه وشيب فيه دينه!
ومن رجاء ريضان قيعان الجبال ولا عطنه؟=قله:إن يديه شحت قبل ريضانه تدينه!.

يوسف بن شلاح

الموضوع الأصلي: روضة القيعان ليوسف بن شلاح | | الكاتب: سيف عبس | | المصدر: شبكة بني عبس

[مرزوق العجوني]

صح لسااانه ولا هان على الرائعه وبيض الله وجهك على النقل الرائع وننتظر منك المزيد