[ضيف الله المتعاني العبسي]

جتني وضحكتها تسابق خطاها=وعلى محيّاها تجسّد غلاها
قمرى وتفرق عن جميع الكواكب=في حجمها في وصفها في ضياها
بنتاً عليها الزين فايق ولايق=سبحان فارق وصفها عن سواها
استغفر الخلاق ماني بظالم=إن قلت ما شافت عيوني كمـاها
رهيفة إحساس ورقيقة مشاعر=صدوقةً في حبها وش حلاها
الله وهبها عن جميع العذارى=زين ويحق لها وربي تباها
مفتون انا في حبها واعذروني=جمالها من قبلها من وراها
يا حظ عيني يوم عيني تراها=ويا سعد قلبي يوم قلبي معاها
هني لنوماً ساكناً في هدبها=وهني لكحلاً ما يفارق صباها
مكياجها من ربها اللي خلقها=طبيعةً قلبي تنفس هواها
وعطرها الفواح منها وفيها=وردة ولا يذبحني إلا شذاها
والمبسم الصافي وبيض الثنايا=وجمالاً أمسى واكتمل في شفاها
وعيون سود وناعساتاً كحيله=تقول ليلاً حاطها واحتواها
عن وصفها تعجز بيوت القصايد=سبحان رباً ما حرمها عطاها
جمالها يقهر قلوب العذارى=جمال ياكم من عيوناً سباها
من حبها راحت عظامي برايا=مدري متى روحي تفارق شقاها
ما غير أنادي بسمها في منامي=من كثر ما قلبي تمنى لقاها

الموضوع الأصلي: رقيقة المشاعر | | الكاتب: ضيف الله المتعاني العبسي | | المصدر: شبكة بني عبس

[ابوديما]

صح الله لسانك اخوي
لاهنت

[ابوشنب]

مشكوووووور والله يعطيك الف عافيه

[ذيبان الرشيدي]

صح الله لساانك
يالامير
نص رائع ومتميز
ومصافحة جميلة بعد الغياب
الطويل ... الذي حرمنا رؤية مثل هذا الشعر الجميل

أهلاً بعودتك

و
تُثبت

دمتَ
بخير وعافية

[ريتال الداموك]

قصيده رااااائعه ..تستحق التثبيت
لاهنت وصح لسانك

[رائد الذيابي]

صح الله لسانك مليون

ولاهنت يالذرب

[المشعل]

من حبها راحت عظامي برايا

مدري متى روحي تفارق شقاها

ما غير أنادي بسمها في منامي

من كثر ما قلبي تمنى لقاها

يعطيك العااافيه على الابدااااااااااع

ابياااااااات رااائعه

صح الساااااااانك لاهنت

تحياتي لك

[ضيف الله المتعاني العبسي]

اقتباس من مشاركة ابوديما صح الله لسانك اخوي لاهنت

صح الله بدنكولاهنت على المرور