[صاحب المعالي]

دام مـا للـي مضـى معنـى ولا للـعـذر خـانـه=
من بقى نشـره عليـه ومـن بقـى يشـره علينـا؟! =
بئس يـا وقـت الجحـود وبئـس ياعصـر الخيانـه=
وبئـس يامـن نيتـه يلعـب بحسـبـة والديـنـا =
لــو سمحـتـو بــس لحـظـه ,, عـلّـمـو عنتر زمانه=
بالاهانه من نوى ينوي على راسه وطينا =
يامـا وقفّنـا مـعـاه ونعتـقـد إنّــه تكـانـه=
ويامـا كنّـا نحسـب إنّـه واحـدٍ مـنّـا وفيـنـا =
غلطـه انـك تـزرع الطيـب بزمـان الاستهـانـه=
بالوفـا والطيـب وعـلـوم الـوفـا والطيبيـنـا =
فـي زمـانٍ اصبـح التجريـح شـي امـن الميانـه=
بـس جينـا فيـه لكـن ليتنـا مـاكـان جيـنـا =
فـي زمـان الحنضلـه تـدق ســوق القحويـانـه=
وفـي زمــانٍ باتـفـه الاسـعـار ودّه يشتريـنـا =
الحقيقـه؟ ساكتـه, والكـذب؟ ياكلـك بلسـانـه=
وان حكينـا؟ نحـرق انفسنـا اليامـنـا حكيـنـا =
قامـت تغنّـي شياطيـن الليـالـي لـيـل دانــه=
وانتحداهـا وحـنّـا مــن غنـاهـا ماعليـنـا =
نستعـيـن بربـنـا يالله عـلـيـك الاستـعـانـه=
رد كـيـد الظالميـنـا فــي نـحـور الظالميـنـا =
واليديـن الـي تبـي تـلـوي يمانيـنـا جبـانـه=
مـا بعـد خلقـت يديـنٍ ودهـا تلـوي يديـنـا =
ومن نوانـا ؟ علّمـوه احسـن لـه يعـوّد مكانـه=
دام فينـا عـرق نابـض؟ يخسـئـون الخاسئيـنـا =

النهايه

سعد المشعبي

الموضوع الأصلي: الحنضله تدق سوق القحويانه | | الكاتب: صاحب المعالي | | المصدر: شبكة بني عبس

[بدر الحشية]

اقتباس من مشاركة صاحب المعالي واليديـن الـي تبـي تـلـوي يمانيـنـا جبـانـه= مـا بعـد خلقـت يديـنٍ ودهـا تلـوي يديـنـا = ومن نوانـا ؟ علّمـوه احسـن لـه يعـوّد مكانـه= دام فينـا عـرق نابـض؟ يخسـئـون الخاسئيـنـا = النهايه سعد المشعبي

تسلم يمينك على النقل الاكثر من رائع

[صاحب المعالي]

حياك الله يابدر

[جـــــروح بارده]

قصيده جميله ونقل اروع