[صقر عبس]

ياعميق البحر وقف علي شطك عميق = ساقه الله يوم ساقه ولله المساق
وقفةء منها تدبر ومعتبرك شقيق = كلنا بدينا الفنا للفنا والله باق
شاطي الدمام جنب للخبر شرقي بقبق= موقفا وقفتبه يوم ادور للعماق
من مداه بعيد يصمد ولوطال الطريق = لومشي رجلي ومن هونج كونج الي العراق
القهر والجور مايقبله حر طليق = ولايبيع طوال الايمان بطوال العناق
الليالي كان شحت بفزعات الرفيق= قلها من الاصحاب لاتسبب فراق
يابحر قله تراني علي الصاحب شفيق= طبع عصمان الشوارب علي الرفقه شفاق
قل لكل حصان كبوه وصدره لايضيق= فهم اللي مافهم في جلال وفي دقاق
قل وصلت الي الثريا ترى خبره عتيق= واحمدالله يوم هب الهواء والعز ساق
الحصان حصان قله وتاريخه عريق = لويصفونه مع الحصن في خط انطلاق
من هواللي بس قله عن اهدافه يعيق = ذاك والله مايدري ويش ميدان السباق
الخشونه للخشن والرقاقه للرقيق= والسروج للخيلها والاشده للنياق
من مايفزع بالسعه ماهو بفازع بضيق= اضربو فيه المثل بس بس انا مطلق طلاق
من مايصدق في وعوده له حساب دقيق= والله اني واقف له علي عظمأ وساق
ليه انا ماشبها ثم اخليها حريق = خلها تشتب ياجلعها للاحتراق
لعنبوها من حياةء ماسربها صديق= ودك ان دمه ودمأ مثل دمه يراق
لاهو مجنونأ وترجي بعد مده يفيق= الردي جنونه بيبطي وعز الله ما فاق
كنه اللي عالةء مايطاق ولايطيق= ماحد يطيقه وهو مايطيق ولايطاق
يابحر ماغرقتني بس من غيرك غريق= الله اللي يعلمه عالمأ مابالافاق
اقسم برب البشر صاحب البيت العتيق = ان صبرأ طاف حده مرير ولايطاق
يابحر ماجيتك الاومعتبرك شقيق= ولايجامل بالخطا غير هراج النفاق

الشاعر:
عبدالعزيز الرشــــــيدي

الموضوع الأصلي: يابحر | | الكاتب: صقر عبس | | المصدر: شبكة بني عبس

[المتابــــع]

شكراً جزيلاً لموضوعك...

[صقر عبس]

شكرأ جزيلأ للمرورك

[ابواثنين]

القهـر والجـور مايقبلـه حـر طليـق=ولايبيع طوال الايمـان بطـوال العنـاق

صح اللسانك اخوي صقر عبس
جزله من شاعر جزل

[بندر الذيابي]

صح الله لسان اخوي صقر عبس


كلمات جميله للغايه



تدفق شعري رائع

وصف وتظيف رهيب للغايه



ننتظر جديدك



بندر الذيابي