[المحترف العبسي]

ياطير ياللي بالسماء شالك الريش
اقلع سما ياطير ورفع عن القاع
خلك على حد المزون المراهيش
والعب على قلبي طرب فن وابداع
رح ما على دربك مخافر وتفتيش
شفلي فضاء جو الطبيعه والاوضاع
واليا وصلت اقصى حدود المطاريش
اسلم وسلملي على زين الاطباع
اللي غلاها همش الغيد تهميش
وخلاني انسى راحتي حي ملتاع
و خلا جهاز الذاكره فيه تشويش
حتى التمس سلك الخطر بين الاضلاع
وان كان ياطير الفضاء هجرتك طيش
شبعت من طيش الليالي والاوجاع

فايزمبارك الرشيدي

الموضوع الأصلي: ياطير ياللي بالسماء شالك الريش | | الكاتب: المحترف العبسي | | المصدر: شبكة بني عبس

[المحترف العبسي]

اخفي ملامح شي ماودي اطريه
اخفيه من طيب وكرامه وشيمه
مبطي وانا كلي عتاب ومشاريه
حتى عرفت ان السكوت الهزيمه
وجه الحيا يعرف مقامه وراعيه
والعار عار وستر وجهه ضليمه
ماتخفي اوجيه الليالي طلع فيه
سيماه من فوق الجبين الوخيمه
لاساتر" حاله ولا امه ولا ابيه
وماله مع رجال المروات قيمه
خبري معه ياسعود لاعاد واليه
اربع سنين وجعلها مستديمه



الشاعر فايزمبارك العويمري