[خطاف العرعري]

هذه القصيده نابعه من اعماق قلب قائلها بعد فراقه لديار قبيلته بسبب الوظيفه
وهي للشاعر : عياد بن فرحان بن فاهد العرعري الرشيدي
ابو بندر
وهي مرسلة للشاعر : عويض بن عايض بن عوض العرعري الرشيدي
ابو شرف

البارحه كني على واهج النار = مثل السجين الي عليه الحراسه
يامل قلبن ضيقه كثر الافكار = والنوم عيا لا يجيني نعاسه
ماني مريض ولا على حالي اخطار = مير ان قلبي فيه هاجوس حاسه
طروا علي اهل الكرم واهل الكار = الي مجالسهم مزوح ووناسه
تلقى مجالسهم بها بن وبهار = عند الكرم والطيب فيهم حماسه
ربعن لهم تاريخ في حشمة الجار = وخويهم مايضام مرفوع راسه
الضيف لا جاهم بعزه ومقدار = ومقدمات الهرج تبري عماسه
ربعن بوقت الحرب تبيع الاعمار = وعدوهم دايم بذل وتعاسه
لا جاء نهارا ً فيه ماتفيد الاعذار = كلن يقول انا كفوا ً للرياسه
ربعي بني رشيد وافين الاشبار = وكلن يا بو شرف بعزه وباسه
قلته وانا يابو شرف خالي الدار = ولا ينفع الرجال ياكود ساسه
ورجلا ً بلا ربعن حشى ماله اذكار = لو ان طيبه زايدن عن مقاسه
قبل امس وانا امزح مع صغار وكبار = واليوم قلبي ضايقاتن احساسه
في ديرتن قشرى معاصير وغبار = لو سال واديها الثمر به يباسه
يابو شرف وصل سلامي للاحرار = والهرج واضح مايبيله دراسه

الموضوع الأصلي: يابو شرف وصل سلامي للاحرار | | الكاتب: خطاف العرعري | | المصدر: شبكة بني عبس

[عواد العويمرى]

صح السان الشاعر
و ومشكور ياخطاف على نقل القصيد

[مطلوب تغيير اسمه]

يعطيك العافيه اخوي


لاتحرمنا جديدك



وتقبل مروري




__________________