[ملفي العجرمي]

أعضاء وزوار شبكة بني عبس قبعة المجد والتاريخ
السلام عليكم ورحمة الله وبركاته وبعد :

يسرني ويسعدني أن أقدم لكم هذه القصيدة للشاعر / حمدان بن صبح وقبل ذلك اسمحوا لي أعرف عن شاعرنا في سطرين .
هو الشاعر / حمدان بن زايد بن محمد بن ملفي بن حمدان بن صبح العجرمي الرشيدي وهو أحد شعراء ذوي صبح الموجودين
حالياً ولكن للأسف الشديد أنه مقل في الظهور على الساحة رغم ما يملكه من ملكة شعرية قمة في العطاء الجزل .
نسأل الله لأبو محمد دوام الصحة والعافية والتوفيق ونتمنى أن نراه يتوهج على ساحتنا ويمتعنا بما في خزينته من العلوم الطيبة والقصائد الجزلة .

يا الله يا اللي لصعيبات حلال=يا والي خلقه من إنس وجنا
يا منزل بالحق طه والأنفال=يا منشي مزون رعدها يدنا
أنت الوحيد اللي عليم بالأحوال=تعلم بجهر النفس والمستكنا
حنا بلونا الناس بالقيل والقال=ناس تبث الهرج مع كل فنا
يا اللي تبث الهرج مع كل موال=اعرف ترى هرج الردي ما شحنا
ولا شلت همه لكن الحق ينقال=وحق علينا نخبره لا جهلنا
إن كان تجهل فعلنا يوم الأهوال=انشد صحاري نجد تخبرك عنا
حنا سلايل عبس ماضين الأفعال=يشهد لنا التاريخ بفعول أهلنا
لو ينشد التاريخ عن ماض الأجيال=يقول عنتر يا أهل العرف منا
عنتر ولد شداد زيزوم الأبطال=ياما قلوب الخلق منه أرجفنا
راع الفعول اللي بها ضرب الأمثال=في قمة التمجيد ركز وبنا
عيال عبس معقلة كل عيال=من عال يبشر له برمح محنا
قبيلة من يوم ما عهدها زال=حنا ورثناها وصلنا وجلنا
بني رشيد إن جاء نهار به إشكال=حوض المنيه نارده ما زملنا
حنا على العدوان سم وغربال=عدونا في نومته ما تهنا
يمسي بهم ويصبح مكدر البال=واليا تذكر فعلنا فيه ونا
واليا سمع بأخبارنا صابه جفال=حيثه عرف بأفعالنا لا فتنا
ويقفي يجر من الهزايم له أذيال=من عقب ما هو طامع في ضعنا
وأما الضعيف اللي عليه الدهر مال=يا سعد حظه كان حظه زبنا
يبشر بعزه كان هو طيب الفال=نوفي له حقوقه ولو ما سألنا
هذا وصلوا عد ما هل همال=على نبي للشريعة عدلنا

حمدان بن صبح

الموضوع الأصلي: عبسية حمدان بن صبح | | الكاتب: ملفي العجرمي | | المصدر: شبكة بني عبس

[سالم الرشيدي]

وعليكم السسسلام ورحمة الله وبركاته
صح السـآن الشآعر / حمدان بن صبح
وبيض الله وجهه
ع القصيده الوااافيه
وعساك ع القوه اخي ملفي العجرمي

[حــزام]

اللهم صلي على محمد

صح لسان الشاعر حمدان بن صبح على القصيده العبسيه
وعزالله كفو ثم كفو ثم كفو ، وما قال الا الحق والصحيح
وسلايل عبس مزبان الضعيف يستاهلون مليار قصيده ولاتكفيهم ولاتكفي افعالهم الي تطلق الوجه ويشهد لها القاصي والداني
ولاهنت يا ملفي على نقل القصيده الرائعه والفخريه ، جعلك سالم
لاخلا ولاعدم

[ملفي العجرمي]

اقتباس من مشاركة سالم الرشيدي وعليكم السسسلام ورحمة الله وبركاته صح السـآن الشآعر / حمدان بن صبح وبيض الله وجهه ع القصيده الوااافيه وعساك ع القوه اخي ملفي العجرمي

الأخ سالم الرشيدي صح بدنك وشكراً لك على مرورك الطيب
تحياتي وتقديري لك

[طلال محمد ناهس]

وعليكم السسسلام ورحمة الله وبركاته
صح السـآن الشآعر / حمدان بن صبح
وبيض الله وجهه
ع القصيده الوااافيه
وعساك ع القوه اخي ملفي العجرمي

[وفاء المدينه]

صح لساااااانك واللة
يعطيك الف عااافية

[ملفي العجرمي]

اقتباس من مشاركة طلال محمد ناهس وعليكم السسسلام ورحمة الله وبركاته صح السـآن الشآعر / حمدان بن صبح وبيض الله وجهه ع القصيده الوااافيه وعساك ع القوه اخي ملفي العجرمي

حياك الله يا أبو محمد وصح بدنك يا الأمير ومشكور
على مرورك الطيب
تحياتي وتقديري واحترامي لك

[ملفي العجرمي]

اقتباس من مشاركة وفاء المدينه صح لساااااانك واللة يعطيك الف عااافية

حياك الله يا وفاء المدينه وصح بدنك ومشكور
على مرورك الطيب
تحياتي لك