[الرشيدي]

أمسيت كنـي طايـرً بـات مقضـوب =وقت الغـروب الله مـن الجـو جابـه
في صحصحً خالي وفي طرّف أهضوب =شاف العشاء يلمـح وجوعـه رمابـه
ولحظه عرف نفسه بجربـوع منكـوب =صـادت مخاليبـه اسلـوكٍ تشـابـه
وكفخ بعد مااصبح على الأمر مغلـوب =يـوم اقبـل الشبـاك تلفـح اثيـابـه
وده يموت أو يدخـل الأرض ويـذوب =عينٍ بالأرض وعيـن تبغـا السحابـه
اوذيبٍ ارقب سمع لـه حنـة اذهـوب =ويديـه زلـت فيـه مـن راس لابـه
طاح وتعور وانكسـر فيـه عرقـوب =يبي الضلال وطـاح وسـط الشطابـه
ماعـاد لـه رجعـه ونزلـه ولادروب =سمع الحساس وشـاف ظـل الذيابـه
مـن شـي لونـه مقـدر ومكـتـوب =فــي حــال لاوالله لامرحـبـابـه
هذي هي البلوى وهـذا هـو النـوب =وهذا الذي ماكنـت حاسـب احسابـه
راح بخبر كان وهـو فيـه عـذروب =بيـن النظـام وبيـن كيـد العصابـه
لكن اليـا فكـرت ماهـو بمغصـوب =خله عسى مايثـور حضـرت جنابـه
امـا يـدل الـدرب بعديـن ويتـوب =ويسـد عـن ريـح الغرابيـل بابـه

عبدالله باتل الرشيدي البحر الميت

الموضوع الأصلي: ويديـه زلـت فيـه مـن راس لابـه | | الكاتب: الرشيدي | | المصدر: شبكة بني عبس

[الوجدان]

تسلم يدينك على اختيارك الحلو
وربي يعطيك العافيهـ ،،
:p :p :p :p :p

[فيصل الرشيدي]

الله الله الله


صح لسانك ولسان الشاعر عبدالله بن باتل



وبيض الله وجهك

وتسلم يمينك على النقل

[أنكسارحلم]

الاخ الرشيدي

صح لسانك ولسان الشاعر عبدالله بن باتل

قصيده تستحق الاشاده والقرايه اكثرمن غيرها


تحياتي

[الرشيدي]

اشكركم جميعا على مروركم العذب

[بـنـ شيوخ ـت]

عبدالله باتل الرشيدي .. شأعرٍ بمعنى الكلمهُ الله يحفظهُ ... ومشكوٍرٍ أخوٍي

[ابو محمد العريض]

صح لسانك ولسان الشاعر عبدالله بن باتل

قصيده تستحق الاشاده والقرايه اكثرمن غيرها


تحياتي