[شاعر شاب]

قصيده جزله موجوده عندي بلوتوث

للشاعر خليف بن خلف المظيبري الرشيدي ــ مرسلها للشيخ ـ سعود بن مثيري العويمري الرشيدي ـ ابو بدر ـ في مدينة تبوك

القصيده من اجمل القصائد التي سمعتها وفيها وصف عجيب للجيب ـ والجميل مايضيع بين الرجال ـ وابو بدر من الرجال الكريمين ويستاهل حقيقه المدح ومهما مدحنا مانوفيه حقه

ياراكب الي للمسافه مولم = بعد الديار وقربها ما اشحننه
اخر مديلن من مديلن مضخم = ولا فيه قولت ول هذا لونه
الفين واربع كل قصده مقدم = ومن حر ماله مابغى فيه منه
كلن بوصفه بالمثايل تكلم = وفاز وطلع له صيت من زود فنه
ماوقفه وسط المعارض يسوم = وباغيه لامن الطواري اشغلنه
ان شافه الضايق ضلوعه تحطم = ولاغير يزعجهن من الصدر ونه
ان دست بنزينه يخم الوطن خم = روس الاصابع دوبهن يلمسنه
منوة غريبن تطلبه لابته دم = وكل البيوت الي تعزه جفنه
والي عطى الخايع مع الليل الاظلم = من شاف زوله قال بالوصف كنه
زول اشهبن للريح قام يتشمشم = يبا العشاء لجرواتن يشحذنه
يعطي مغيب الشمس والعصر ماتم = وقبل العشاء في بيوتن استقبلنه
فوقه غلام(ن) بالرسايل ملزم = مكلفن فيهن وهن كلفنه
وملفاه حر(ن) للرجوله معلم = ومن ضن فيه الطيب ماخاب ظنه
من لابتن تفزع وتجزع وترحم = وللضيف والمحتاج فيهم محنه
ماينسبه ساس الردى من هل الغم = مثبرات البيض ماعصبنه
ماهو بشكل الي ليا جيت كتم = يفرح ليامن الركايب لفنه
سعود شوق محشمات الملثم = وفي غيبته علم الردى مامشنه
بيت(ن) على ساس المعزه مقوم = وطول الليال وقصرهن ما اخلفنه
تلقى دلال(ن) للنشامى تولم = يرتاح بالك والضرم يطردنه
مابين هيل وعود فيهن مقسم = وحب اليمن فبطونهن ياجدنه
والجمر من خشم الوريف يتهشم = ولا قال مع طول الليال اتعبنه
عبرت عن ماشفت واخص واعم = ومن جرب سلوم العرب مايغونه
ولانيب شين قلت فيه متوهم = يقضي لزوم الي ظروفه حدنه
وعن هرج نساي المخافه اليا نم = فعايله عند الرجال يحمنه
يا ابو بدر صدري تضايق من الهم = ونوم العرب عيت عيوني يبنه
كله سبب دينن عليه تهضم = وقوايشي ياسعود ماسددنه
واليوم دور اليوم مره وعلقم = راع الوسيعه لو صبر ضايقنه
حاولت اليمها وعيت تليم = لين الخفى طول السنين اكشفنه
واركض على ساقة هل الطيب وازهم = وانت الذي صوتي اذنيك اسمعنه
ولا الردي عن مايمد اتشيم = يحرم على رجلي ماياصلنه
لو اشتكي له اشتمت وايتضيم = يديه ماعمر الجميل اكسبنه
والعفن مايفيدك لو انه ولد عم =ولا ينفقد لو الليالي خذنه
وبيت(ن) قصر ظله ركونه تهدم = يأتيه نجر(ن) صاحبه مايدنه
من مانفع وقت الحياه وتكرم = ماعاد ينفع وسط قبر المجنه
عن مقصدي راع التجاريب يفهم = ولا القلوب الغافله مافهمنه
بينت ماضاع الهدف والمثل تم = وسجلت عنوانه وهن ياصلنه
وان ماقدر في مطلبي مايلوم = الزمل ماياكل عروقه بسنه

الموضوع الأصلي: قصيده جزله قويه للشاعر خليف الرشيدي ــ في الشيخ سعود الرشيدي | | الكاتب: شاعر شاب | | المصدر: شبكة بني عبس

[مجرووح2000]

يسلمووووووووووووووووووو

[وسام عبس]

صح السانك

قصيده جزله وراااااااااائعه

تسلم يمينك

تحياتي لك

[شاعر شاب]

اقتباس من مشاركة مجرووح2000 يسلمووووووووووووووووووو

ربي يسلمك


منور يالمجروح 2000

[المسافر]

صح للسان شاعرها /خليف بن خلف المظيبري الرشيدي

ويستاهل المدح الممدوح/ الشيخ سعود بن مثيري العويمري الرشيدي

وانت لاهنت ع طرحها
مشكور

[هاني العرعري]

مشكور على النقل

[شاعر شاب]

اقتباس من مشاركة وسام عبس صح السانك قصيده جزله وراااااااااائعه تسلم يمينك تحياتي لك

تسلم عالمرور ،،،،،،،،،،،،،،،،،،،،،،،،،،،،،،، وصح بدنك

[شموخ رشيديه]

صــــــح لســــــــانك قصيــــــده رائعـــــــــه