[سند الداموك]

سامح الله صواديف الزمان الكئيب
تسرق غيوم حب ٍ الأماني تهابه
ليت منهو عليّه في سؤالي يجيب !
كيف أطرد سحاب ٍ حرّ الأشواق ذابه ؟
جبتها للرفيق وكل خبري لبيب
ليت يفهم مرامي ويتجمّع سحابه
( العيون إتشابه في حضور الحبيب
لا وربي تلاشى كذب كيف إتشابه )
لو تبعثر ألمه لايعوّد يغيب
ينهمر لي وداد ليّا تمّنع شبابه
يمكن جروح قلبي في حشايه تطيب
أو تهب الهبايب ويتزايد صوابه
ياخفوق ٍ نحيبه داخلي صوت ذيب
ما خبرت المشاعر تنتظر للإجابه
المهم أتحيزم في هجوم ٍ مُهيب
ما يهم إنتصاري كانني وسط غابه
الأهم المواجه لو مُرادي صعيب
دامني صرت سيف ٍ ضيّعوا له إجرابه
تارك ٍ المبيت وكل همّه يصيب
كل حي ٍ تحرّك لو يكونوا قرابه
دامه الجرح دايم بصمته للقريب
في زمان ٍ يسوده زود كذب وخطابه
شفت شمس الصراحه وجهها للمغيب
والخفافيش صارت في زمنّا عصابه
شفت عين المراجل بالسهوله تعيب
لو تبيّن دموعك مايقولوا هلابه
وشفت قصر الأماني والفضاء الرحيب
من غيابك تهدّم والبقايا خرابه
مشكل الهم إنه مصدرا ً للمشيب
والفوايد يزيدك قوّ باس وصلابه
مانويت المشاكل بس وقتي عصيب
وإختلاط المشاعر زاد جويّ كآبه
يجذب الناس دايم كل غصن ٍ رطيب
من يجوع المحبه غصب ينزل لعابه
( ياصقيع المشاعر ) لو ترابك خصيب
إترك اللي بذرته لا يغرّك ترابه
إستبحت الحرام وكل روض ٍ عشيب
لو تجلّى ظلامك يغتصبنا ضبابه
سوّد الله وجيها ً تستبيح الصويب
تترك الجرح ينزف ويتعشّوا زهابه
ذلّ دمع اليتامى يفتقد للرقيب
ودايم الظلم ياتي والسبايب قرابه



راااااااااااااقت لي

الموضوع الأصلي: سوّد الله وجيها ً تستبيح الصويب | | الكاتب: سند الداموك | | المصدر: شبكة بني عبس

[النمر1012]

الله الله الله
صح اللسان شاعرها وتسلم يمين ناقلها
روعه روعه روعه
سوّد الله وجيها ً تستبيح الصويب
تترك الجرح ينزف ويتعشّوا زهابه
ذلّ دمع اليتامى يفتقد للرقيب
ودايم الظلم ياتي والسبايب قرابه

[الـخشف]

صح اللسانك ابيات رائعه

[أنكسارحلم]

صح لسانك
مبدع

[عايد2001]

صح لسان شاعرها بصراحه قمة الذوق
لاهنت ياسند

[سند الداموك]

اقتباس من مشاركة النمر1012 الله الله الله صح اللسان شاعرها وتسلم يمين ناقلها روعه روعه روعه سوّد الله وجيها ً تستبيح الصويب تترك الجرح ينزف ويتعشّوا زهابه ذلّ دمع اليتامى يفتقد للرقيب ودايم الظلم ياتي والسبايب قرابه

نورت النمر

حياك ياغالي

[سند الداموك]

اقتباس من مشاركة الـخشف صح اللسانك ابيات رائعه

نوررررتي 00000000

[تعبت منك]

صح لسانك
مبدع ياسند