|
خيارات الموضوع | ابحث بهذا الموضوع |
|
لآضاق صدرك عالي الصوت جره لو كان قلبك ما يطاوعك مسرور دنياك لو تسوى من الحِزن ذرّه ما كان تاليها توابيت وقبور وما كان للكافر بعمره مسره وما شفت في ملكه ملايين وقصور العمر يمضي بين حلوه ومره والموت حق وقابض الروح مأمور دام الحياه الفانية مستقره ورزقك يجيك وبين الأجواد مستور لا تنشغل بالوقت برده وحره واحذر تصير بقسمة الناس مقهور وحكم القدر لاجاك خيره وشره أشكر عظيم الشان والذنب مغفور والمجلس اللي يزعجك لا تمره خله تراك بشوفته منت مجبور والرجل سقها في صحاصيح بره ومد النظر مابين ريضان وزهور لا صار وجه القاع ما فيه جره والمشي حافي والثرى تو ممطور ساعات صمتٍ ما وراها مضره تسوى الكلام اللي به إذنوب وإشرور أطلق خيالك وأترك النفس حره وخل الطبيعه في حياتك لها دور وبالليل لا بانت نجوم المجّره أذكر بديع الخلق بـِ إحـساس وشعور واسجد لرب الكُون مره ومره وإحفظ لسانك وأترك الكذب والزور وفروض ربك خلها مستمره وطاعتك لا يدخل بها نقص وقصور العمر يمضي بين حلوه ومره
|
|
|
|
|
|
|
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
الوقت يمضي | أنفاس الفجر | السمعيات والمرئيات الإسلاميه | 7 | 05-05-2012 11:27 AM |
يمضي يوم .. و .. تتبعه أيآاإم | أحاسيس | المنتدى الإسلامـــي | 9 | 04-05-2011 11:33 AM |
العمر يمضي وانت كما انت إلى متى | الرساله | المنتدى الإسلامـــي | 3 | 23-06-2010 12:47 AM |
عام سيرحل بحلوه ومره ويأتي عام جديد ***** | هلالي صميم | منتدى ملتقى الاعضاء | 19 | 31-12-2008 12:18 AM |
ويش رجال ومره(بعد أذنك يابو فايز أنت ممنوع من الحل بعض الوقت) | عبيد الله دعيع | المنتدى الأدبــــــــــــي | 16 | 10-09-2007 02:37 AM |