[برد ودفأ]

.
.
أهداء إلى قبيلة عبس الغالية ...
ونأمل منكم العذر ..لأن مهماا كتبناا في هذه القبيلة من مدح لن نوفيهاا حقهاا
.
.
.
.

بديت باسم اللي خلق كل الأجناس= رباً من المنشأ يجيب الغمامة
ًومن بعدها بأرسل سلامي بقرطاس=لأهل الوفاء والطيب وأهل الكرامة
بمدح رجالاً فعلهم يرفع الرأس= لا جاء نهاراً تشوف فيه العسامة
أحفاد عنتر يوم الأرياق يباس= بصفوفهم ماتشوف فيها انقسامه
بني رشيد إن اعتلوا قب الأفراس= عدوهم يرجع لريع الندامه
كم من عقيداً تحت الأقدام ينداس= إن شافهم ماينقلنه عظامه
حنا لنا في قمه المجد مجلاس= وفي صفحة التاريخ تلقى العلامة
ياعون والله من شكا الضيم و الباس= وحده زمانه وأقرب الناس لامه
نعطيه عز يغتني به عن الناس= يلقى بنا الفزعة ونكرب حزامه
على حدود الجود زدنا بنوماس= وهماتنا تعلأ على كل هامه
وحنا لباب الجار ستر ٍ وحراس= واليا رقد محدٍ يكدر منامه
وفينا صفاتٍ فارقة كنها ألماس= الخوه اللي ماتعود رخامه
افعالنا ماتنحصر بين الأقواس= ولا يحددها فصيح بكلامه
وصلاة ربي عد ماهب نسناس= على نبياً عظم الله مقامه

الموضوع الأصلي: أحـــــــــفـــــــــــــــاد عنــــــــــــــتر | | الكاتب: برد ودفأ | | المصدر: شبكة بني عبس

[مروان الرشيدي]

وفينا صفاتٍ فارقة كنهـا ألمـاس

الخـوه اللـي ماتعـود رخـامـه

صح ألساااانك وسلمت أحاسيسك

شاعر جميل

وقصيده رائعه

"

"

"

تحياتي

[(ابوعواض)]

برد ودفآ وافي والله


صح الله لســآنك وبيض الله وجهك



وفالك الجنــه

^_^

[عويض بن شامان بن خلف]

حنا لنا في قمـه المجـد مجـلاس

وفي صفحة التاريخ تلقى العلامـة

صح للسانك جزله من شاعرجزل

[برد ودفأ]

اقتباس من مشاركة مروان الرشيدي وفينا صفاتٍ فارقة كنهـا ألمـاس الخـوه اللـي ماتعـود رخـامـه صح ألساااانك وسلمت أحاسيسك شاعر جميل وقصيده رائعه " " " تحياتي

حياك الله يامروان
وصح بدنك يالغالي
ويشرفني مررررورك
ومشكووووووووووور

[برد ودفأ]

اقتباس من مشاركة (ابوعواض) برد ودفآ وافي والله صح الله لســآنك وبيض الله وجهك وفالك الجنــه ^_^

ووجهك ابيض
وشكرا لمرورك
وتقبل تحياتي

[برد ودفأ]

اقتباس من مشاركة عويض بن شامان بن خلف حنا لنا في قمـه المجـد مجـلاس وفي صفحة التاريخ تلقى العلامـة صح للسانك جزله من شاعرجزل

حياك الله يابوشامان
وصح بدنك
يشرفني مرورك

[ابن صقعان]

بيض الله وجهك وقصيد ه رائعه وتستاهل كل خير والى الامام وماقصرت الله لايهينك