[عبدالرحمن هليل]

يالله يامنشي السحاب المزابير=ياباسطن سبعن وسبعن بناها
ياخالق الانسان يارافع الطير=محصي النجوم اللامعه في سماها
رب الملا علام في كل مايصير=اسمك قبل ماابدى بيوتي بداها
ومن بعد ذكرك باصخر القاف تصخير=ابيات من حلو القصايد نقاها
في عبس مروين السيوف البواتير=نسل الرجال اللي ينومس جناها
بني رشيد اهل الوجيه المسافير=قومن على الطولا ت تردع عداها
اهل الكرم واهل الدلال المباهير=نيرانهم للضيف يجذب سناها
يوم الجهل وقت السنين المقاشير=يوم المغازي والحروب وعناها
لادق ناقوس الخطرجو طوابير=قبيلة ياقرد منهو غزاها
لا لولشن بيض العذارى الغنادير=كلن وقف في وقفته واحتماها
عدوهم منهم يشوف التعازير=يرجع معيف وحاجته ماقضاها
خلوا عيونه عقب نومه مساهير=وكبده على حقه تزايد شقاها
كم خفرتن منهم تهل التعابير=من عندها قفى ولا عاد جاها
والجار حقه وافي دون تقصيـر=وخويهم زلا تهم ماشكاها
والضيف له عز ومعزه وتقدير=سوالفن للضيف يبري دواها
لاهي وجيهيه ولاقلت تزوير=قد سجل التاريخ ولنا رواها
واجدادنا عنهم عطونا تقارير=في ماضي الاوقات عنهم حكاها

(ومهما كتبت في حق هذي القبيله فلن ولن اوفيه ومعذره عن القصور ياربعي)

الموضوع الأصلي: قصيده مهداه من ابو خالد لجميع رشيدي | | الكاتب: عبدالرحمن هليل | | المصدر: شبكة بني عبس

[المميز]

صح للسانك وكفو وبنى رشد كفو وتستاهل.....

وانت تقدر وبنى رشد تستاهل اكثر.............مشكووووووووووور اخوي

[برق الوسم]

الشاعر عبدالرحمن هليل
صح لسانك وبيض الله وجهك
عبس يستاهلووون
قصيده وافيه من وافي
تقبل مروري

[سعدعايض]

صح الله لسانك ياعبدالرحمن هليل على هذه القصيده الرائعه الذي تعبرعن كرم وشجاعة
قبيلتناالعريقه ولك تقديري وحترامي وتقبل مــــــــــــــــــــــــــــــــــــــــروري

[عبدالرحمن هليل]

صحت ابدانكم ولكم الشكر

[مروان الرشيدي]

صح لسااااااااااااانك مدد بلا عدد


ولاهنت يالنشمي وكفيت وفيت

"
"
"
تحياتي