[تـمنيـتـڪّ]

كل ماذعذع علي صلف الهوى حدرية
يكفخ فوادي بصدري قبل يكفخ ثوبي

خص لاجا باردن ومذعذع" عصرية
يجمع اللي به من الذكرى وياتي صوبي

قبل يلعب بي وانا قد شفت في مارية
ضايق"من صبح والهاجوس دوبه دوبي

والله ان كنه يداوي الجرح بالشبريه
والجوارح من هواه الصلف ماصدوبي

لاذكرت اللي رحل وعيونه الدرية
كل مالديت فيها تهت لا لدوبي

تمطر عيوني وخفاقي سرا ساريه
ينعصر وانا دموعي للوفا عذروبي

صمت عن وصل المحبة لانها عذرية
والردى ماهوب من طبعي ولا بسلوبي

اذكر انه قال لي مرة وش الحرية
قلت عكس اللي لقيته منك يامحبوبي

اهتوي طاري هله من حبي لطاريه
والدروب اللي تجنبهم ماهي بدروبي


متعب" رجلي ولو هي صوبهم عبرية
وابني امالي على الترحيب لاهلوا بي


اثرهم ناويني بالنيه الشرية

واثرهم دارين واقول ماشكو بي

واثرني ضايع واصدق قصة الحورية
وش ينجيهم من اثامي اذا قفوا بي

جزت مادام الهوى يبغي عصا سحرية
وتبت مادام القدر عيا على مطلوبي

قد همومي وين ألاقي الصيد بالبرية
وقومة" في وجه ضيفي واعرف ماجوبي

اصغر اهدافي تزول الدولة العبرية
واكبر امالي يغفر الله جميع اذنووبي



محمد ابن فطيس المـّري ..



...

الموضوع الأصلي: كل ماذعذع علي .. لـ محمد آبن فطيس .. | | الكاتب: تـمنيـتـڪّ | | المصدر: شبكة بني عبس

[خياااله]

تمطر عيوني وخفاقي سرا ساريه
ينعصر وانا دموعي للوفا عذروبي

صمت عن وصل المحبة لانها عذرية
والردى ماهوب من طبعي ولا بسلوبي


تسلم على هالذوووق الرااقي ..وتقبل مرووري ..

[نوماس5]

يسلموو على الطرح

[بنت أبوهــا]

اذكر انه قال لي مرة وش الحرية
قلت عكس اللي لقيته منك يامحبوبي

اهتوي طاري هله من حبي لطاريه
والدروب اللي تجنبهم ماهي بدروبي


صح لساااانه

وصح نقلك وذوووقك 

[ابوحزن 2009]

صح لسان الشاعر

وشكرا لك ع الاختيار الراقي والجزل

[بندر الشويلع]

صح لــسآن شآعرهآ وتسسسسسلم يمين نآقلهآ
وختيآر موفق .

[تـمنيـتـڪّ]

لآهنتم ، على المـرور

تحيآتي لكم ..


دمتم بود ..

[الجمره البارده]

قصيدهـ رآئعهـ


شكرآآآ