[حــزام]

قصيدة لشاعر المعروف والملقب بالزعيم الشاعر الكبير مساعد ربيع الرشيدي

تفهـق الليـل الادلـم والهواساكـن = وانا هنا ياسبـب همـي وتسهيـدي
في خايع من نفيض الوسم متماكـن = نبته يليـق بتمـدري نافـل الجيـدي
متموج ٍ بين عشبي واخضـر داكـن = وامعفر ٍ من نسايم جرهـد البيـدي
يامودعات السنين من العمـر هاكـن = تالي تباريح بالي في ضحى عيـدي
ويامدلهات الحشا مدري وش ألهاكن = أونس بصدري مثل فوح البغاديـدي
هيلن علي من رذاذ الحلـم يفداكـن = وجهن قصر عن حياه وقلب رعديدي
يجلا غثا الكبد يوم اشتف من ماكـن = شف العسل بين أشافي ترفة الغيـدي
واللي جمعكن بوسط الصدر وانشاكن = إني لاحطب لرعدكن مـن تناهيـدي
هذي علومـي وستـر الله وعفاكـن = لحقن مصاديري العطشى مواريـدي
والا هبوبي رفيعة شـان شرواكـن = النقص ينقص عن الحروه وانا ازيدي
هيضني الضلع في كبدا الثرى راكن = وان حدك الضيم قل للضلع ياسيـدي
واركيت ظهري على ظل الجبل لكن = ماجت مواعيد ظله مـع مواعيـدي

وبيض الله وجهكم على المتابعة والتطور

الموضوع الأصلي: مساعد الرشيدي الزعيييييييييم | | الكاتب: حــزام | | المصدر: شبكة بني عبس

[عبدالله المهيمزي]

	أخوي ذيب الحجاز لك أقف لك أحتراماً بيض الله وجهك على النقل الرائع الله الله عليك ياذيب الحجاز اختيار موفق لزعيم الكلمة ((((((((((((((( مساعد الرشيدي ))))))))))))))))))

[ابو براك الرياض]

الله يعطيك العافيه

[منصور غنيمان]

الله يعطيك العافيه