[مرشدالمظيبري]

هذه القصيده القاها الشاعر الحميدي ابن نبات بن صنعاء العنزي
في حفل زواج الشيخ درع دريع الخشمان المظيبري الرشيدي
في قصر ابانات للحتفالات يوم الخميس الموافق 6/4/1430 هــ
القصيده

جينا نشرف حفلكم يارجاجيل=ياهل الوفاء والطيب ياهل الحميه
ياللي على الجزله ارجالا معاجيل=ياهل الظفر والعز والشاذليه
اهل المكارم والفعول الدواليل=وقولابلا برهان عيب وخطيه
زبن الدخيل أن ذاق مر الغرابيل=ريف الخوي والضيف والاوليه
والجار ماشاف النكد والبهاذيل=يدله مع الاجوادصبح ومسيه
زمل المحامل كاسبين التنافيل=زحول الرجال معززين السميه
اهل المروه مابهم قو ماقيل=كل على الطوله يحث المطيه
صديقهم في راس عيطاالغراميل=وعدوهم يزور حوض المنيه
فريس لياركبوا على الجيش والخيل=فعولهم من فوق هذي وذيه
يوم المعارك تطحن شرها مهيل=افعولهم وكاد ماهي خفيه
ياما ويامابين كر وتحاويل=السيف والارماح والبندقيه
ضد المعادي واحمر الدم كالسيل=ما عاش من عادوه بالمهمهيه
بني رشيد اهل الفخر واشقر الهيل=كعام المعادي يوم دور العبيه
يتلون ابن براك سلم ومصاويل=الشيخ وافي والقبيله وفيه
شيخ على الطولات يزها التماثيل =زعيم عبس ولا يهاب القضيه
شيخ ولد شيخ له المجد تدبيل=راع البويضاءبالرخاء والبليه
به التواضع والقسى بالمثاقيل=وميزات ابن براك شمس ضحويه
عزالذي ينصاه عن جاير الميل=ياقف بصفه ماتعذر مجيه
بالجاه والوجاه حمال ويشيل=كم من قضيه والرقاب العصيه
يحلها بتوفيق منش المخاييل=من قاسم المشهور ودليم زيه
وفعولهم ماتنحصر بالتساجيل=يشهدلها التاريخ في كل هيه
ومعه شيوخ مثل فعله مفاعيل=بني رشيد اشيوخهم صيرميه
الكل منهم بالمعالي مقابيل= شيخان من شيخان ساسٍ قصيه
قهر المعادي يوم نزال ومشيل=بهم الزعامه بالسيوف الصطيه
وميزانهم من فوق ماقيل بالحيل=اهل الفخر والجود والمقدريه
وكل القبيله بالجزايل مجازيل=حطواوشالوا للمراجل بنيه
وفعائلا ماتنحصي حيل تاصيل=من ماضي الدنيا مواقف جليه
صاروا على الارهاب شر وتناجيل=حدر الاوامر لابةٍ شوشليه
وكل القبايل تدهم الكيل بالكيل=كلٍ بحقه والمزايا رهيه
طالوا طويل المجد جيلٍ بترجيل=وكلٍ على الجزلات ياحي حيه
واليوم في ظل الجبال الشهاليل=ملوك العرب روس العرب يعربيه
عبدالله وسلطان ونايف حلا حيل=عوق الصعايب بالعزوم القويه
عز المواطن شاريبن الفناجيل=سنام مجد الصيت بالوايليه
ماقلتهاوابغى وراها محاصيل=وختامها مني سلام وتحيه
وصلاة ربي عد وبل الهماليل=على الرسول اعداد برق النشيه

الموضوع الأصلي: اهدا لعموم قبيله بني رشيد الكرام | | الكاتب: مرشدالمظيبري | | المصدر: شبكة بني عبس

[الجلاد]

مشكور على النقل
وصح لسان شاعرها

[والله ياني قديم]

والله ونعم بني رشيد ويستاهلون اكثر

[مرشدالمظيبري]

يعطيكم العافيه
مشكورين على المرور

[سالم المظيبري]

والله ونعم بني رشيد ويستاهلون اكثر وشكرا على النقل

[مرشدالمظيبري]

الله يعطيك العافيه على المرور

[مرشدالمظيبري]

الله يعطيك العافيه على المرور

[برق الوسم]

صح لسان الشاعر
الحميدي ابن نبات بن صنعاء العنزي
قصيده جزله
لاهنت على نقلها لنا
واسمح لي بنقلها بالمكان المناسب هنا
وتقبل مروري