[ذيبان الرشيدي]

عليكم ..
مِن اللهِ ..
سلامٍ تتلوهُ رَحمه ..

لعلهُا
قد قيل
بأن الكلماتُ .. كــ الحِجاره ..
عِندما
تَرميها في غيابتِ البحرِ .. تُثيرُ صوتاً وجُلبه .. ولكنها لاتُبقي في البحرِ أي أثر ..
وهذا
ما أخشاهُ .. عللى مصيرِ كلماتي ..

إليكُم
نَصَ رِسالةٍ ..
إرتجلتُها البارحه ..
مِن ..باب الأخوه .. توديعٍ لــ زُملائي ..
في ..
شدقم العذية .. في منطقة الأحساء ..
بعد أن ..
أكرمني الله بفضله ..
وأنتقلتُ ..
لـِ حُبِ رسول الله صلى الله عليه وسلم .. المدينة الُمنوره ..!
أطرحُها .. ها هُنا ..
أحياءٍ لـِ الذكرى .. وللتوثيق ..!

كما عهدتوني
لا أُحبُ الإطاله .. في القاله ..!

لولا المواقف .. ماكتبـت القصايـد = ولولا .. الظروف القاسيه ماتغنيـت
ولولا .. الليال الماضيـه والجدايـد = ماسقت أنا .. جزل القصايد وغنيـت
من خافـقٍ .. مـا بهذلتـه الجهايـد = اليَّا تغنى .. من هجوسـه تقهويـت
له سجةٍ .. عند أحتـدام الشدايـد = ماسجها .. شيطون شيخ العفاريـت
هاض وتغنـى .. وأستوتلـه فرايـد = هاض وتغنى .. وأردف البيت بالبيت
ليَّـم هجـوسٍ .. ناهيـاتٍ شرايـد = مالمها .. مجنـون عبلـه وجولييـت
محبوكةٍ .. ماهـي هجـوسٍ زهايـد = للابه .. اللـي فـي حماهـا تمشيـت
ياقروب حاتم .. والذهايـب عوايـد = ياعزوتي .. عنـد اللقـا لاتعزويـت
يأهل الشرف .. والمرجلـه والعوايـد = يأهل العلوم .. الطيبـات الثوابيـت
ياشوق .. منهن غطرفـن بالقلايـد = طخم الحريم .. مـرددات المنابيـت
الَّيـا تثنـن .. لعبهـن بالخـدايـد = مانوخن .. عند الرخـم والسرابيـت
العـام .. مانشكـي همـوم ولهايـد = ولاهمنا .. هرجٍ حكتـه الشواميـت
نشرب .. من الدله ونقـراء جرايـد = واليا طبختم .. من صحنكم تعشيت
واليـا تولـنْ .. وأصرمنـا نكايـد = جينا .. من أقصانا نشب الكباريـت
واليوم ضكت .. وأستجلت جدايـد = وأندبت أنا شعري .. وبالصوت ناديت
الظلم ظلمـه .. والمفـارق وقايـد = والحق .. ما ضكه هبيل وطواغيـت
والحلم كلمه .. والتجـارب فوايـد = والشعر .. مزبان القلـوب المفاليـت
والصبح واضح .. والقصايد سدايـد = والله يسلم .. راعي الزون والقيـت
وادعتكم .. يـا مكرميـن الكدايـد = توديعـةٍ .. مـا طمنوهـا هلافيـت

وأدعوا الله
لنا ولهم التوفيقَ والستر والعافيه

وصلى الله
وسلم على من لانبي بعده

دمتم
بخيراً وعافيه

الموضوع الأصلي: ماساقها .. شيطووون شيخ العفاررريت ...! | | الكاتب: ذيبان الرشيدي | | المصدر: شبكة بني عبس

[عبد العزيز]

صح لسانك وبيض الله وجهك وهذي عوايد اهل الطيب

مبروك النقل يا ابو فايد .... مع تمنياتي لك بالتوفيق .

[ذيبان الرشيدي]

الله
يبارك فيك وبيقيك
بس
شكلك مشبه .. يالأميير ههههههههههههه
أبو ناوي
not
ابو فايد
جعلني فدوه من فداياك
يالوجه السفر ..

[احمد سبيتان]

صح لسانك ياذيب المعاني

بالتوفيق للجميع

[عيسى محمد]

ابو ناوي

اسال الله لك التوفيق في دينك ودنياك
وحياتك الدنيويه والعمليه
وصح الله السانك وعلا شانك
والتميز عنوانك عافاك الرحمن

[كاتب الرشيدي]

اخوي ذيبان الشعر

مبروووك النقل قربت عند ةحبيب القلب ههههه

الله يكتب لك الخير والخيره

وصح لسانك على هالجزله

ونتمنى لنا ولك التوفيق

[ابوصالح لرشيدي]

مشكوووووور والله يعطيك الف عافيه والله يوفقك,,,,,,

[النمر1012]

مبروووووووووووووك النقل والله يوفق ياذيبان
وصح اللسانك قصيده جزله والله يعطيك العافيه بالتوفيق انشالله