[السااااامر]

هذه القصيده لشاعر العلم عبدالله بن باتل الرشيدي

يا صاحبى سود الليالى احرمتنـى=من شوفتك وانت الوحيد بحياتـى
صوبك الى هبت هـوا ذكرتنـى=اذكرك واسلى شوى مع ذكرياتى
مانمت ليل(ن) فيه ذكراك جتنـى=تشهد على عيونـى الساهراتـى
وكم ليلتن منك الهموم اذهلتنـى=وضاقت عليه من جميع الجهاتـى
ليت الليالى عنـك مـا بعدتنـى=يابو عيون(ن) بالنظر ساحراتـى
ارتـاح لعيونـك اليـا قابلتنـى=واسرح بدنيا عيونك الواسعاتـى
بعيونك جبال(ن) تقـل رافعتنـى=وتحتى نهر دجله ونهر الفراتـى
واشوف ليل السحب فيه ارهبتنى=وفيها بحور(ن) سفنها جارياتـى
وبعيونك ازهار الربيع اعجبتنـى=فى روضة(ن) وديانها سايلاتـى
عينيك فـى توصيفهـا حيرتنـى=فى وصفها الله صور المعجزاتـى
وعفتك تعذيبى وبسمتـك فتنـى=وزولك يخيلى وانا فـى صلاتـى
ومحبتك وسط المهالـك رمتنـى=يمكن تصير انت السبب فى وفاتى
ودى بشوفك والظروف انكبتنـى=وهذى سوات الله ما هى سواتـى
لا جيتك ادله والهمـوم تركتنـى=وان رحت عنك اخفها المسهراتى
وكن القمر يوم ازهمك فوق متنى=والشمس باقى ربع ساعة وتاتـى
يا منيتى سود الليالى احرمتنـى=من شوفتك وانت الوحيد بحياتـى

الموضوع الأصلي: ياصاحبي؟؟؟؟؟؟؟؟؟؟؟ | | الكاتب: السااااامر | | المصدر: شبكة بني عبس

[عويض بن شامان بن خلف]

صح لسانك يالبحرالميت ابوباتل درر لله درك
سلمت اخوى الساااامرع حسن الاختيار

[عادل المقوعي]

سلام يبني عبس

[راسبه بالحب]

يعطيك العافيه

[السااااامر]

اشكر جميع من مر على القصيده وصحت ابدانكم

[ولد حايل]

الله عليك يالبحر الميت
صح لسانك
واشكرك على االنقل

[محمدخالدالشباح]

صح لسانك
ابدعت

[مجرم زمانه]

صح لسانك يالبحرالميت ابوباتل درر لله درك
سلمت اخوى الساااامرع حسن الاختيار