[ابو بيان]

السلام عليكم ورحمة الله وبركاته

اخواني اليكم المحاوره الشعريه بين الشاعرين ناصرمرسال والشاعر نواف العازمي

حيث بدأها نواف قائلاً :


نواف:




سلام رديه على نهج الرسول
منهاجها نهج الرسول الهاشمي
حنا لياقلنا عرفنا وش نقـول
إسمع كلامي زين يافلان آدمي




ناصر:




يامرحبا ترحيب باصحاب العقول
اهل العقول اللي تعرف العازمـي
عطنا السولف والسوالف بلاصول
اعرف قسمك وانت تعرف مقسمي



نواف:




انته تعرف العلم منته بمهبـول
وإن ماعرفت العلم ماهو لازمي
السرج حق الخيل ماهو للذلول
ولا المتاحه للخروف الارخمي




ناصر:





الليل توه باولـه وانتـه عجـول
مدري وش اللي حاصل لك ياسمي
حنا نعرف الهجن ونعرف الخيول
ونعرف كل عيال حـوّا وآدمـي



نواف:





بالليل واجد من يصول ومن يجول
وانا يبن مرسال مـا زل اقدمـي
مخ العرب ماهو بصاحي ومغسول
على علي صالح محمـد خاتمـي




ناصر:




وانا بعد ماني زهوف ولاعيـول
لكن صدور الناس قامت تحتمي
اخر خبر يمكن حقيقي ومعقـول
تبغى الخبر من فمك ولاّ من فمي




نواف:





ترى الصعاب تهون والعقد محلول
والعولمـه غيرالنظـام العالـمـي
ليا بغيت المزح ما امزح مع زعول
يمكـن يبلشنـي والـد لمحزمـي




ناصر:





الناس ماتسري ورى دق الطبول
وانتـه معلـم ماتريـد معلمـي
لو العرب يرضون بدنات الحلول
ما الرمح يانواف مثل الميسمـي




نواف:





لولا الوسم صار الجمل مثل الرحـول
وانته مـن أيّـات الفصايـل تنتمـي
وشلون اباعرف زول مع عشرين زول
يمكـن تدقـق فيـه حيـل وتنعمـي



ناصر:





انا من اصحاب المواقف والفعول
واالرمح والمشعاب من دون غنمي
حصّلت لي فوق الجبل ظبيٍ جفول
يبغى السلامه مير ماهو سالمـي




نواف:




الفعل من بينك وبينه وش يحـول
مير الفعايـل بالدلايـل تلزمـي
انته عيونك يوم شفت الظبي حول
قشعه على راس الشفا ما تنرمي




ناصر:





ياما مشيت المنطقة عـرض وطـول
والطـق بالميـت تـراه محـرمـي
عيني تشوف الخصر وتشوف الحجول
ولاّ المشاكل في عيـون الحضرمـي




نواف:




الموت حق وما على الدنيا يزول
وانا بدافع دون دمّـي ولحمـي

الموضوع الأصلي: نواف العازمي / ناصر مرسال | | الكاتب: ابو بيان | | المصدر: شبكة بني عبس

[سالم الزير]

ناصر مرسال شلعر كبير حفظه الله

;) ;) ;) ;)

صح اللسانه واللسان الشاعر الثاني



المهلهل

[عبدالعزيز بن شري]

ناصر مرسال شاعر كبير حفظه الله



صح اللسانه

واللسان الشاعر نواف العازمي

[سعودالرشيدي]

صح لسان الجميع والمنسق

[عبدالعزيز الخياري]

صح الله السنة الشعراء

والله يرحم الشاعر نواف العازمي ويسكنه فسيح جناته

[ابو براك الرياض]

الله يعطيك العافيه

[ابو بيان]

اشكركم على المرور وتقبلو تحياتي

[بدر حيي]

الله يعطيك العافيه