[ام جوانا]

عدّيت في مرقب ٍ و الليل ممسينـي

بديار غُرب ٍ لعلّ السيـل مـا جاهـا


أضحك مع اللي ضحك و الهمّ طاويني

طيّة شنون العرب لا قطّـروا ماهـا


وراك ما تزعجيـن الدمـع ياعينـي

على هنوف ٍ جديد اللبـس يزهاهـا


هبّت هبوب الشمال و بردها شينـي

ما تدفي النـار لـو حنـا شعلناهـا


ما يدفي إلا حشا مريوشـة العينـي

و إليا عطشنا شربنـا مـن ثناياهـا


ابو عيـون ٍ ليـا سلهـم تناجينـي

ياقرد عين المشقّـا كيـف يقواهـا


يا شبه وضحى فتـاة ٍ دلّهـا زينـي

داجت على عقلة ٍو الـورد ماجاهـا


يا علّ من شار بالفرقى عمى العيني

مخباط صمعاً جليل الفخـذ يشظاهـا


جعله حسير ٍ كسير ٍ و راكبه دينـي

و أتلى حلالـه ذلـول ٍ راح يطلاهـا


وتبقى من اجمل القصائد القديمه

الموضوع الأصلي: هبّت هبوب الشمال و بردها شيني.ما تدفي النار لو حنا شعلناها | | الكاتب: ام جوانا | | المصدر: شبكة بني عبس

[نــوآف الــعــويــمــري]

مشكوره ام جوانا وتذكيرك بالقصايد القديمه
تحياتي

[ابو براك الرياض]

الله يعطيك العافيه على
النقل الجميل

[العريض]

صح لسان الشاعر عطيك العافيه ياخوي على النقل الرائع

هههههههههههه

[الراسى]

يسلمو ام جوانه
على النقل الرائع
الك تحياتي

[مسندالعويمري]

مشكور على النقل الرائع

[ام جوانا]

أبوساره

ابو براك الرياض

حجاج العريض

الراسي

مسند العويمري

راشد رباح



أشكر كل من عطر بمروره الكريم صفحتي

[العريض]

اقتباس من مشاركة ام جوانا عدّيت في مرقب ٍ و الليل ممسينـي بديار غُرب ٍ لعلّ السيـل مـا جاهـا أضحك مع اللي ضحك و الهمّ طاويني طيّة شنون العرب لا قطّـروا ماهـا وراك ما تزعجيـن الدمـع ياعينـي على هنوف ٍ جديد اللبـس يزهاهـا هبّت هبوب الشمال و بردها شينـي ما تدفي النـار لـو حنـا شعلناهـا ما يدفي إلا حشا مريوشـة العينـي و إليا عطشنا شربنـا مـن ثناياهـا ابو عيـون ٍ ليـا سلهـم تناجينـي ياقرد عين المشقّـا كيـف يقواهـا يا شبه وضحى فتـاة ٍ دلّهـا زينـي داجت على عقلة ٍو الـورد ماجاهـا يا علّ من شار بالفرقى عمى العيني مخباط صمعاً جليل الفخـذ يشظاهـا جعله حسير ٍ كسير ٍ و راكبه دينـي و أتلى حلالـه ذلـول ٍ راح يطلاهـا وتبقى من اجمل القصائد القديمه

صح الشاعر



الرائعه ام جوانا
نقل رائع وذوق اروع

سلمت اناملك

اختي العزيزه


دمتي بود