[هاوي شعر]

بسم الله الرحمن الرحيم
يشرفني بان اقوم بتنسيق محاورتي هذه مع الشاعر ابن حيان
وهذه المحاوره وامل ان تنال اعجابكم

هاوي شعر

يابن حيان سولف يارفيع المستوى والشان =نبي نسمع علومك والليال يبين خافيها
تراء تال الليالي يبلش العاقل مع الشيبان =ليامن خرفت ياصاحبي ما الله بمحليها

ابن حيان

نسولف معك ياهاوي وانا كسبان مع كسبان= ولا ودي تبعدها وانا ليه نظر فيها
بلشنى وابتلينا وانت جعلك سالم يافلان =ولاكن كلمتك وشلون ماتدرى خوافيها

هاوي شعر

عسى ربي يبارك فيك وعلومك علوم اسمان =وحنا الطيبه ياصاحبي بالمال نشريها
يقول لك المثل ياصاحبي لاكثرو الرعيان =تبا توه الرعيه ماعرفنا وين راعيها

ابن حيان

عسا المفتاح يقدر ياصل الاقفال والبيبـان=وابيك اتوضح الاهداف لجل اتبين وارميها
انا ماني عماوي وانت صاح الفكر والاعيان=رعيتكـم تعـود يمكـم واعـرف مفاليهـا

هاوي شعر

ولى يبواردي يبواردي لاتخطي النشيان =وانا ماني بقايل ريس الشله وقضايئها
يابن حيان انا وياك ماندري عن العربان= ولكن العرب بالمنطقه ماكثر اسميها

ابن حيان

سواد النيه ايخربك ياهـاوي وكلـش بـان

والافكار اذ دخلها ابليس وسوس لين يغويها

قبل تحكم حكم خاطي توكد فالحكـم كامـان

ولاتفتـل علومـك ثـم تنقضهـا وتثنيهـا

هاوي شعر

انا لشفت شايب قلت له بسم الله الرحمان =تراء الشيبان تال الوقت ما تقدر تحاكيها
عرفت الصائب الوافي عرفت المخطي الغلطان =ولكن لاتشك بنفسك المعبود حاميها

ابن حيان

يجوز الاستعاذه كل مايد خل بك الشيطان

وانا ماني بشايب لاهداك الله على اذنيها

علومك لايصير ابها خلل وتبهل القعدان

ترى بعض البضايع ماحماها الا حراميها

هاوي شعر

يابن حيان وش بك تالي الايام جاك جنان =اثر بعض العرب ياناس ماحدن يعتزي فيها
اضن المشكله ياصاحبي من بضعت الدكان =تراي بعض البظائع خاب يابن الناس شاريها

ابن حيان

انـا مافيـه مشكـل ياصديـق ومخـك الخربـان

يبالـه تصفيـه واذنـك بعـد نبـغـا نصفيـهـا

شريت امس العصر من بضعت الدكان خمس اللوان

ولاكـن مرنـي ياصاحبـي واعطـيـك باقيـهـا

هاوي شعر

تراء بعض السوالف مالها ياصحابنا برها ن= علومن ماتسر البال ماني مالتفت فيها
انا ياصاحبي مغنين الله ماني بفقران=وباقي عيشتك يالله لاعلك تهتني فيها

وسلامتكم

الموضوع الأصلي: تنسيق محاوره هاوي شعر وابن حيان بالمنتدى | | الكاتب: هاوي شعر | | المصدر: شبكة بني عبس

[العالم الفلكي]

صحت السنتكم

اخوي هاوي شعر اذا عندك شكوى فيه منتدى مخصص لشكاوي رح هناك واشتك على كيفك وبعدين المشرفين عندهم اشغال وفيه بعض المحاورات تروح مايدرون عنها الله لايهينك اذا خلصت من المحاورة نسقها والكلام مو لك لحالك وارجو ان تقبل بصدر رحب ومشكور على التنسيق

[صميدع راس]

صح لسانك هاوي شعر

صح لسان ابن حيان

ومشكور على التنسيق وانا اوافق الراي فيما قلت

[سيف المهيمزي]

صــــــــح لسانكم جميعاً

[ابو بيان]

هاوي شعر

عسى ربي يبارك فيك وعلومك علوم اسمان

وحنا الطيبـه ياصاحبـي بالمـال نشريهـا

يقول لك المثل ياصاحبي لاكثـرو الرعيـان

تبا توه الرعيـه ماعرفنـا ويـن راعيهـا

صح اللسان هاوي شعر وصح اللسان ابن حيان والله يوفقك الجميع واعجبني البيت السابق

[فهد محمد]

الله الله مبدعين

[قسورة الغاب]

صح اللسانك ياهاوي
وصح اللسان ابن حيان

[~:(دلال):~]

...شكرآ .....