[احمد الشختلي]

بسم الله الرحمن الرحيم
السلام عليكم اعضاء وزوار هذ الصرح ,,متواضعه ترجي القبول منكم
عسى ان تشفع لي في غيآبي

,, اجيك والشوق ,,

اداء المنشد / علي البريكي


في دربك المشي يدفعني ويجذبني
وكل النواظر على شوفتك ولهانه

أجيك والشوق يرسمني ويكتبني
على كتاب الغلا وألقاك عنوانه

ضماك غير الضماء بالحيل يتعبني
ويزلزل الحال ويهده من أركانه

وفي كل وجهه بروق رضاك تعجبني
وألقاك بين الغياب وقفل بيبانه

ولا أنتبه غير ودموعي تعاتبني
في داخل العين يا موجه وبركانه

غيبتك موتٍ طعونه فالحشى تبني
قصر من الشوق بأشكاله وبألوانه

وبالرغم من كل هذا وأنت تسلبني
أدعيلك الله يحفظك وأنتي الدانه

تعالي البعد ليله صار يرعبني
مهما همس بالاماني طاهر لسانه

أبيك عندي ولو رمشك يصوبني
يانسج بحر القصيد وغالي أوزانه

قلي وش الفايده يومك تعذبني
وأنا مسلمك قلبي وأنت سلطانه

تحياتي لكم وتقديري

الموضوع الأصلي: شيلة أجيك والشوق يرسمني ويكتبني ,, جديدي ,, اداء علي البريكي | | الكاتب: احمد الشختلي | | المصدر: شبكة بني عبس

[منصور بن صبح]

أحمد الشختلي

غبت وعدت بالغنيمه

صح لسانك نص راقي

تقبل مروري

ولا تحرمنا من جديدك العذب

[حكاية عطر]

مااشاء الله
كلماات رائعه
واداء اروع

[ابو عايض]

صح السسسسسسسسسسسسسانك

[محمد الراشد]

احمد الشختلي
شاعر جميل واستمتعت بقصايدك باليوتيب

اكثر من مره



لم يضلمك الا شبكه عبس حتى لقب شاعر غير موجود ؟؟؟

عموماً انت شاعر رائع وصح لسانك