|
خيارات الموضوع | ابحث بهذا الموضوع |
|
السلام عليكم ورحمة الله وبركااته كيف حالكم ان شاء الله بخير حبيت انزل موضوع من مجهودي الخااص عن سفرتي لبريطانيا انا زرت بريطانيا مرتين الأولى في تاريخ 24-6-1431هـ والثانيه في تاريخ 12-8-1431هـ وهالصور من روحتي الأولى سافرت وجلست تقريبآ 12 اياام بالمره الأولى انا رحت لحالي من السعوديه وكان بإنتظااري صاحبي يدرس هناك صاحبي بشمال انجلترا في مدينة نيوكاسل اقلعت من الريااض مباشره الى مطار هيثرو بلندن انا للأسف كنت بالعمل طول الليل وانتهى دوامي الصبح ورحت المطار مواصل واقلعت الرحله الساعه 1:15 الظهر يعني عيوني راحت وطي وللأسف الطايره كانت مليانه يعني مافي مجال لنوم << استمرت المعاناه خخخ المهم اقلعنا الظهر وجلست اسولف انا وواحد سعودي تعرفت عليه بالطايره وطلع مواصل مثلي وصار لون عيوني وعيونه مثل الجمر خخخخ عااد حاولت اناام وعجزت لأني ماعرف انا على الكرسي شفت انه مافي امل للنوم طلعت الكام وصورت كم صورة من السمااء هذي صورة اتوقع انها فوق سوريا وهي لنهر بنهايته بحيره وهذي صورة اذا ماخاب ظني انها برومانيا << على حسب الخريطه اللي طالعه بالشاشه لأن في الخريطه بالطياره كانت قريبه من بوخارست عاصمة رومانيا الصورة لجبل قمته ثلج لووول بصراحه يوم قربنا نوصل لندن كان لي تقريبآ اكثر من 30 ساعه مانمت ويوم اخذت غفوه سمعت الطيار يقول اربطو الأحزمه استعداد للهبوط صحيت الا واحنا فوق لندن اخذت كم صورة وبحط بعضهاا لاحظو ان الأرض كلها خضرااا والضبااب معطي جو ومنظر خطيررر وهذي صورة لنهر التايمز بلندن من فوووق نزلت من الطياره وعلى ماختمت جوازي واخذت شنطتي حسيت بدواار من الإرهااق انا كنت ناوي اواصل الرحله لنيوكاسل عبر القطار يعني يبي لي اربع ساعات عالأقل علشان اوصل والله اني امشي بمطار هيثرو واحس اني بيغمى علي من التعب خوويي اللي تعرفت عليه شافني خلاص ماعاد فيني قال لي والله ماتروح اليوم لنيوكاسل وانت بهالحال عرض علي اني اريح عند خوياه بمنطقه اسمها بورموث جنوب لندن انا رفضت بالبدايه لكن اصر علي واقتنعت اروح معه انا رحت معه احسبها قريبه لكن طلعت مشوار ساعه وشوي جنوب لندن خخخخخ << تورط لفت انتباهي مبنى لمواقف سيارات وصورته وبسدحه هناا عااد اخذت تذكره بالقطار واتجهنا لبورموث وكنت خلااص شوي وابكي من التعب << كرهت الروحه كلها خخخخ المهم وصلنا للمحطه اللي نبيها وصورتها وكان وقتنا بالليل وصلنا للسكن تبع اصحااب خويي << خليته خويي خخخخ كان جل ما اريد النوم فقط لكن تعرفون السعوديين مايتركون طبعهم وعزايمهم خخخخ قالو العشا والله ماتنام الين تتعشى << قلت ياسلااام كملت خخخخ جاالس معهم وانا شبه سكرااان من النوم انتظرت عشاهم بفارغ الصبر وماصدقت يجي العشاا تعشيت وبالعافيه على قلوبنا كلنا خخخخ قلت عاد اسمعو لا احد يكلمني ودوني للغرفه اللي بنام فيها ولا يكثر قالو مشينا المهم انسدحت على بالي بناام وقت كافي كان وقتها لي تقريبآ يومين مانمت يعني قلت شكله بيروح نص وقتي نوم مامداني انام الا والمطر يصحيني بعد ثلاث ساعات بس << تحطيم خخخخ حاولت انام ماقدرت بمعنى ثاني عجزت من البرد والمطر اخذت كم صورة من الشبااك للشارع رغم ان المطر طول الليل مستمر وحتى بعد ماطلع الصبح الا ان الشارع مافيه مستنقعات مو مثلنا جا مطر ساعه بجده مات نص السعوديين والله اننا نفشل المهم خويي اللي معي بالطياره كان نايم قلت لواحد من اللي انا عندهم انا لازم اروح لمحطة القطار بروح لخوويي طلعت انا وياه نتمشى شوي بمدينتهم وبصراحه اعجبتني مررررره وهذي بعض الصور لها كنا نمشي ونزلنا مع ممر من تحت الطريق حق السيارات وكان جدران الممر عليه رسماات من بعض الشبااب لكن مو اي رسمااات وهذي رسماتهم وانا اتمشى شفت اكثر من كنيسه لهم وقلت اصور وحده وانزلها مريت من عند حديقه عاامه يعني اللي يتعب يجلس فيها او شي من هذا القبيل وبالحديقه بط وسناجب بريه يعني موطنها الطبيعي الحديقه اخذت كم صوره لها ومن هالصور مايلي هذي صورة لي بخلفيه رووعه وهذا نفس المنظر بدون وجوودي خخخخ وهذي بطه فضوليه تمشي وراناا وهذا سنجاب رفع ضغطي تسلق شجره وابي اصورة فيديو النذل اذا رحت يمين راح يسار والعكس جنني عجزت اصورة فيديو واكتفيت بصورة ثابته هههه بعد التسدح بهالحديقه قررت اروح لمحطة القطار علشان اروح نيوكاسل واخذت كم صورة وانا بالقطار للطبيعه الساحره بعد الصوره هذي وصلت لنيوكاسل ووصلت لخوويي وان شاء الله بتشوفون موضوع ثااني لتواجدي بنيوكاسل وبصور اخرى اتمنى ان الصور اعجبتكم واستانستم معي انتظروني بموضوع آخر والى اللقاااء
الموضوع الأصلي: رحلتي الى بريطانيا العظمى ( وصولي الى لندن ) | | الكاتب: اذكـــرــيـنـي | | المصدر: شبكة بني عبس
|
|
ماشاء الله تبارك الله
كيف التقطت هذا المنظر سبحان الله رحلة ان شاء الله استمتعت بها مثلما استمتعنا بالصور الرائعة شكراً لأذكريني
|
|
|
|
|
لندن مدينه تجنن
تشوف فيها كل شي تشوف فيها المستحيل اقرب من الممكن وتشوف ارض الانجليز واليازبيث وملكها وتشوف هايدباركها وتشوف فيها وجيه اكثر ملامحها تقول ان الحياه جنه لندن مدينه تجنن تعلمك حاجات وتفهمك حاجات اكثر من اللي تعرفه واللي انت كنت تظن لندن مدينة الضباب تعرفك باصحاب وتذكرك باصحاب وتحببك باصحاب وتعلم القلب البليد ان الزمن كذاب لندن مثيره كلها شمس تغازل ظلها خذ لك بها كم يوم ماتذوق فيها النوم وماتشيل فيها هموم واليا قربت تملها وقف قليل وقلها انا غريب ديار واشر لتاكسي المطار وارحل بعيد وخلها صور روعه بصراحه
|
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
السوائل قد تزداد كميتها لأسباب متعددة والغالبية العظمى ليست خطرة | الرساله | منتدى الصحه والتغذيه | 6 | 25-03-2011 10:51 AM |
رئيس مكتب الاستثمار في لندن عيد الرشيدي يستقبل رئيس الاتحاد الطلبه في بريطانيا | عبس404 | منتدى اخــبار القبيلــة | 11 | 06-01-2010 08:18 PM |
ادري غلط طيبي ولكن وش العيب ..انا هنا في وسط ربعي نزولي | ولد الشرقية | منتدى ملتقى الاعضاء | 33 | 14-04-2009 08:09 PM |
وصل فؤادي قبل وصولي | سهام بنت خالد | منتدى الضيافــــــــة | 19 | 07-12-2006 09:50 PM |