[احساس الشمال]

يهون الدمع ..والغربال والضيقات لاتقرين
ويهون الحزن والتجريح بس الموت وش زيّه ؟

لك الله لو تلمّين الضلوع العوج ماتلقين
سوى باقي سوالفنا صباح الشمس للفيّه

ولك الله من خذاك الموت من كفي الين الحين
عجزت اكتب من غيابك الين اليوم ...مرثيّه

سنه مرت وانا كني على باب الفراق سنين
وسنه راحت وانا ادور بعد روحاتها ..../جيّه

زوايا الجامعه..بحث التخرج......اغنية تدرين
بقايا عطرك اللي ماذبحني غيييير طاريّه

ودفتر يحضن ابياتك/ وجوالك قبل تقفين
وبعد هذا تظنين القدر خلآّك...[منسيّه ؟]

يارب اغسل خطاياها وبرّد قبرها / آمين
ووسّع ضيقها ربي.... / كثـر مآصفّت النيّه

لك الله من تحضنك التراب ودثرك للحين
وانا ماني هذيك اللي على خبرك شماليه

الموضوع الأصلي: قصيدة بنت ماتت صديقتها | | الكاتب: احساس الشمال | | المصدر: شبكة بني عبس

[هاني الشويلعي]

بصراحه مرثيه اثرت عليه واجد بس الله يرحمها ويدخلها جناته امييييييييييين
ويعطيك العافية على الطرح هذا الموضوع احساس الشمال...

تقبل مروري ^ٍ^

[أميرة البنات]

فعلا تأثر

طالعه بصدق مشاعرها

الله يرحمها ويصبر صديقتها


لك الله لو تلمّين الضلوع العوج ماتلقين
سوى باقي سوالفنا صباح الشمس للفيّه

[عايض حماد بن عريجه]

حزن حزن لابعد حدود
مرثيه لها تأثيرها الخاص

شكرا لك على نقلك

[احساس الشمال]

شاكره مرور الجمييييييييع

[الزعيم..]

مرثيه وفاء بعد فقدان ..

شخص عزيز ...


لاهنتيـــ

[لسعهـ شقآوة]

يهون الدمع ..والغربال والضيقات لاتقرين
ويهون الحزن والتجريح بس الموت وش زيّه ؟

الله يرحمهآآآ ويحفظ أصدقاءنآ من كل مكرووووووووووه

شاكرة لك