[قسورة الغاب]

وعليكم السلام ورحمة الله وبركاته

اسعد الله اوقاتكم بكل خير عشاق هذا القسم اليكم محاورة العمالقه

المعزب وابوو موووسي

.

.

.

.


ابو موسى

سلام رده طيبه والطيب يجزونه بطيب= عطني يمينك يا المعزب مدها وامدها


لقيت لي صوره غريبه واسم راعيها غريب =كيف العرب حطولها برواز ما هو قدها

المعزب;

يامرحبا ترحيبتاً مضمونها العلم اللبيب=واليا عطيتك كفي الايمن بكفك شدها
ترا الجروح احيان مايقدر يعالجها الطبيب=والناس يابن الناس هذا طبعها لابدها

ابو موسى;

احلم يا شاعر والحلوم بلا حسيب ولا رقيب = لاكن لا تنزل سليم بخد ماهو خدها


انته عيونك صاحيه هذي ذهب ما هي ذهيب = ام الجدايل ما لقت غير العمي تكدها

المعزب;

بعض الحلوم الها نصيب وبعضها وماله نصيب=والمشكله ماهي الحلوم المشكله في عدها
ومعزب الضيفان لاجيته يقدملك عصيب=حتى يسيل مع الشدوق من الضيافه ندها

ابو موسى;

راس الجبل كله حصى والورد في بطن الشعيب= والناس تنضرلك بعين ولا تبيح سدها


انته ما بين الديس والمحلاب وتدور حليب = وفيت خل اللي تخالط مزحها من جدها

المعزب;

ماني بنازل للشعيب وعاشق المرقاب ذيب=لكن خلك دون من ورد الشعيب وسدها
انا حسبنك ياوسيع العرف بالمعنى خطيب=على مقال الك المثل قم جيبها قم ودها

ابو موسى

مشكلتي اني كل ما القا غصن اعرف انه رطيب=رجلي تبا الغصن الرطيب وراسي اللي ردها


تجبرني الدنيا على الصده واغيب ولا تغيب= وانت بدوي وش عرفك جزر البحور ومدها

المعزب;

لايغرك التمثيل ياجساس مدري ياكليب=ترا الرجال عيونها صوب البعيد تلدها
ياحضر ياللي شوفكم لاهو بعيد ولاقريب=اما استرح في فلتك والا تراي اهدها

ابو موسى

هذي هزيله واعتبرها قل بحساب الاديب = انته معزب واليتيمه كيف تمسح خدها


شرهتك يا بيت الغزل عند الحبيبه والحبيب = الكلمه اللي تختلج فالصدر قوم وبدها

المعزب;

الياسرى بيت الاديب اضرب على رايه صليب=لو هزّل علوم الرجال اللي رهيّن عدها
ياللي تبى تموح الرشا بيديك من فوق الجليب=الاوله والثانيه واللي بعدها صدها

صح اللسانك يابوو مووسي



صح اللسانك يالمعزب

الموضوع الأصلي: تنسيق محاورة ابو موسي والمعزب | | الكاتب: قسورة الغاب | | المصدر: شبكة بني عبس

[قسورة الغاب]

رابط المحاوره

http://bani-3abs.net/aa/showthread.php?t=89897

[فهد القلادي]

الله الله

صح السان المعزب

وصح السان ابو موسى

ومشكور ياقسورة الغاب على التنسيق ولاهنت

[شاعر الجيلين]

رو ح ياشييييييييييييخ

والله ماعندكم سالفه يالي تقول انه ماهو شاعر الشبكه بالمحاوره وانتم معروفيه او بالحرا انت معروف غيرتك ماتقدر تسترها

واذا جا وقت الصحيح ماتفك لحيتك من نتافها ههههههههههه

صح السانك يابو صالح وصح السانك يابو موسي

عمالقه شعر هذا الشعر والمعني الساميه ماهي علوم مجمعت الدوادي