[حامد الحنيفان]

ان عودت للفخر حنا ترانا الآسود = من روس قومً انومس من تعزوابنا
اليا لولاشن العذارى وقدحً الزنود = الاقشر اللي نهار الكون يبلا ابنا
بني رشيد اهل الطولات واهل الصمود = من روس عبس العريقه يحسب احسابنا
من عنتر العبسي اللي بالشجاعه يزود = وزهير خير الملوك اللي من انسابنا
العز نتوارثه من ماضيات العقود = شبابنا تارثه من فعل شيابنا
خضنا المعارك ولافينا ذليل وشرود = لاصار به فتل حنا نفتل اشنابنا
ماينجحد فعلنا لاصار مابه جحود = وشموخنا في مكان العز ترقابنا
نشرب من الجم صافي لاوردنا العدود = لو ثارت المعركه والموت حيابنا
وان عودت للخوي والضيف سلم الجدود = خوينا نحسبه من خيرة اصحابنا
هذا كلامً موثق مايبيله شهود = خوينا نكرمه لو تكثر انشابنا
وكلً على الطايله بالمجد فعله يزود = وحنا فخرنا لرؤس المجد عدابنا
لي الفخر في مدح ربعي وابرقى سنود = والطايله مانسكر دونها بابنا
وكل القبائل لها بالمجد فعلن يجود = مانجحد افعولهم لوهو من احرابنا
اخترت قافً نعده مثل عد النقود = من شان مدح القبيله نبدي اعجابنا
والحكم حكم الشريعه ثم حكم السعود = دون الوطن ياملكنا ترخص ارقابنا
الشاعر/ حامد سعود الحنيفان العويمري

الموضوع الأصلي: من عنتر العبسي اللي بالشجاعه يزود = وزهير خير الملوك اللي من انسابنا | | الكاتب: حامد الحنيفان | | المصدر: شبكة بني عبس

[عبدالله معزي]

حامدالحنيفان
بيض الله وجهك
قصيده جميله
تستحق الختم والتثبيت
تحياتي

[عيد الداموك]

حامدالحنيفان
بيض الله وجهك
صح لسانكــــــ

[هامة العز]

لاهنت صح لسانك
وبيض الله وجهك
وافي والقصيده وافيه

[مروان الرشيدي]

انا اشهد ان القصيده ووافيه


وششاعرها وافي



صح صح منطووقك


وفالك التوفيق


مميزه


تسسستاهل احلا تقيييم



.

[برنس البراك]

صح لسان شاعرها


الف شكر

[مسندالعويمري]

ان عودت للفخر حنا ترانا الآسود=من روس قومً انومس من تعزوابنا
2 اليا لولاشن العذارى وقدحً الزنود=الاقشر اللي نهار الكون يبلا ابنا
3 بني رشيد اهل الطولات واهل الصمود=من روس عبس العريقه يحسب احسابنا
4 من عنتر العبسي اللي بالشجاعه يزود=وزهير خير الملوك اللي من انسابنا
5 العز نتوارثه من ماضيات العقود=شبابنا تارثه من فعل شيابنا
6 خضنا المعارك ولافينا ذليل وشرود=لاصار به فتل حنا نفتل اشنابنا
7 ماينجحد فعلنا لاصار مابه جحود=وشموخنا في مكان العز ترقابنا
8 نشرب من الجم صافي لاوردنا العدود=لو ثارت المعركه والموت حيابنا
9 وان عودت للخوي والضيف سلم الجدود=خوينا نحسبه من خيرة اصحابنا
10 هذا كلامً موثق مايبيله شهود=خوينا نكرمه لو تكثر انشابنا
11 وكلً على الطايله بالمجد فعله يزود=وحنا فخرنا لرؤس المجد عدابنا
12 لي الفخر في مدح ربعي وابرقى سنود=والطايله مانسكر دونها بابنا
13 وكل القبائل لها بالمجد فعلن يجود=مانجحد افعولهم لوهو من احرابنا
14 اخترت قافً نعده مثل عد النقود=من شان مدح القبيله نبدي اعجابنا
15 والحكم حكم الشريعه ثم حكم السعود=دون الوطن ياملكنا ترخص ارقابنا

صح السانك وبيض الله وجهك على قصيدة الفخر والاعتزاز

[سالم النرجسي]

بيض الله وجهك