[شاعر بني عبس]

السلام عليكم ورحمة الله وبركاته
بما ليس به شك
ان لكل انسان ان يفتخر بأنتسابه
وذلك لا يعني تقليل من احترام الأخير
فالفخر متواجد ولكن ذلك ليس بمعنى التكبر
بل هو نبذه عن ماضي اجدادنا الذين نتشرف بأفعالهم
فأضع بين ايديكم هذه المحاوله
والتي اتمنى ان تنال على اعجابكم وترتقي بمسامعكم

يالله يامنشـي سحـاب ٍ مخاييـل= نطلبـك لمحمـد وسيلـه وفضيلـه
ياهاجسي ابدع وصـوغ التماثيـل= انقى الجـزال ولا تجـي للهزيلـه
رتل قوافيها علـى زيـن ترتيـل= ابدع قواف الشعـر واقـدح فتيلـه
ياهاجسي ابـدع وجـر المواويـل= من شاعرا ً غنـا ونفسـه عليلـه
ياصاحبي هاك الخبر دوك تحليـل= عاشق انـا العليـا ومافـي حيلـه
ربعي هل العطفا اليا ركبوا الخيـل= ومنهو بغاهـا شـر يـا عزتيلـه
حنا سلايل عبس نـاس ٍ حلاحيـل= حنـا ترانـا كاسبـيـن النفيـلـه
حنا هل الطـولات ذباحـة الحيـل= حتى الخبـل فينـا يزبـن دخيلـه
لطامـة العايـل وعدالـة المـيـل=ومانلتفت من يـم قـال ن وقيلـه
بالمرجله حنا ورا الجدي وسهيـل= حنا الوفا حنا السيـوف الصقيلـه
هـذا جوابـي والليالـي مقابـيـل=العلـم وافـي لا تــدور بديـلـه
كسرى كسرنا شوكتـه بالتصاميـل=يومن ولد الـلاش يومـي شليلـه
للضيف سمن وعود ازرق مع هيل= وسقم العدى والضد واجـب نزيلـه
وسامة الكفه مثـل سايـل السيـل= من هازهم يبشر بسـو الحصيلـه
تحفظ لنا الطولات جيل ن بثر جيل= ونرفى خطى الصاحب وحمله نشيله
منهـو زبنـا ماتجيـه الغرابـيـل= طلابنا دايـم يلاقـي الفشيـلـه
هذي عوايـد لابتـي والتحاصيـل= واهل الجمايل دوم تجـزى جميلـه
وبكل دار ابهـا قـروم ومشاكيـل= ولامن قصـور بكـل دار وقبيلـه
للطيب عند النـاس دايـم مداهيـل= والطيب كـل النـاس دوم تعنيلـه
وختامها باللي دحـر قايـد الفيـل= الواحـد اللـي كلـنـا نلتجيـلـه

وسلامتكم

الموضوع الأصلي: ][ قصيدتي العبسيه][ | | الكاتب: شاعر بني عبس | | المصدر: شبكة بني عبس

[فالح الراي]

صح لسانك اخوي وتقبل مروري

[مرزوق العجوني]

صح سانك اخوي وتقبل مروري

[عايض بن صالح]

صح السانك ياشاعر بني عبس

[عبس404]

كسرى كسرنا شوكتـه بالتصاميـل=يومن ولـد الـلاش يومـي شليلـه

بيض الله وجهك يا العبسي

وصح لسانك

وقصيده وافيه من وافي وياليت نسمعها بصوتك لتزيدها جمالا

وشكرا لك

[مسندالعويمري]

حنا سلايل عبس نـاس ٍ حلاحيـل =حنـا ترانـا كاسبـيـن النفيـلـه
حنا هل الطـولات ذباحـة الحيـل =حتى الخبـل فينـا يزبـن دخيلـه

صح السانك وبيض الله وجهك يا شاعر بني عبس فعلن تستاهل تحمل هذا الاسم

اتمنا نعرفك لان معرفت مثلك شرف لنا

القصيده تستحق منا التميز والتثبيت وشكرا لك

[سالم الرشيدي]

صح السااانك وبيض الله وجهك


ولاهنت ياالغاااالي

[اسير الصمت]

أشهد شهادة حق إن قصيدتك ترفع الراس وبيض الله وجهك على القصيده الجزله اللي من الشاعر الجزل . الله يعطيك العافيه
والله لايحرمنا منك ولا من جديدك



تقبل مروري


عااااشق الميم