[سيف الجزيرة]

قصيدة المشاركة بحفل أفتتاح مركز بدع بن خلف
أهدى لرئيس مركز بدع بن خلف
الشيخ سالم بن محمد بن خلف

نون على الأبيض جنوب العثامير = برقه يقدي بدجا من سرابه
بكور وسمً من سحايب نوادير = يهيج سيله مع بطون الشعابه
والليل غدراء والخواطر مباكير = وعلى صداهن يقنبن الذيابه
نون حدر شرقي جنوبي مزابير= وداعب له الشرقي نسيمه دعابه
على سنا برقه تلوح التباشير = وفوق البدع زادت ثعول السحابه
والقلب رف من الفرح رفة الطير= يبي الخروج وقفل الصدر بابه
وصكن علية ضلوع صدرة طوابير= حتى هدى جسمه وريح أعصابه
الشعر فكرة والمشاعر تعابير = والقاف شامخ المعاني زهابه
وعطرتها من زاد الأمجاد تعطير = وسقيتها عذبٍ مصفى شرابه
سلام يامير الوفاء منهج الخير = سعود للعليا رفيع جنابه
العدل منهاجه على كفه يسير = شموخ عدل وكل عاقل حكابه
والمنطقة تفخر بنهظة وتطوير = والعز صافحها ولبسة ثيابه
ولشيخنا سالم معزة وتقدير = شيخن على العليا نجايب ركابة
سالم سمي الزير وأفضل من الزير= بطيب والحنكة ونهج الصحايه
تستاهل المركز ياريف الخطاطير = شيخ كريم ولك مقام ومهابه
يابن خلف ماعاد فيها معاذير = الشعر في صدري يزيد التهابه
هذا الزمن ياعبس في سيرته غير= فيه الفتن والتفرقة والعصابه
وحنا أمرنا شوره ولافيه تخيير= تشريع رباني نزل في كتابه
جينا يدٍ وحدة لصوتك جماهير= محدن يقول أنت تحضر بالنيابه

الشاعر دليل بن مرزوق الرشيدي

الموضوع الأصلي: جديد الشاعر دليل بن مرزوق"يابن خلف ماعاد فيها معاذير" | | الكاتب: سيف الجزيرة | | المصدر: شبكة بني عبس

[مهاوش]

يابن خلف ماعاد فيها معاذير = الشعر في صدري يزيد التهابه
مشكورياسيف لاهنت ياشاعر دليل بن مرزوق الرشيدي@
وتقبلووووووووووو تحياتـــــــــــي

[سالم الرشيدي]

صح السـأن
الشـأعر/ دليل بن مرزوق
على الجزله
والشيخ / سـألم يستاهل كل خير
وتسلم سيف الجزيرة