[حامد عوجان]

صوت عمي عالي عياد بسبب ذهاب ابنه الشاعر عياد للدراسه خارج الوطن:=
ياعلي عطني من جديد القراطيس=وهات القلم واكتب بذوق وفنا
تعبير من قلبه تتله هواجيس=روابع ياعلي مايمرحنا
كنه على جمر الغضا بالمحاميس=يوم اتذكر واحد غاب عنا
حط البحر دونه وحمر الطعاميس=يابعد دار اللي نحى عن وطنا
البعد عز لكاسبين النواميس= للمرجله لازم ركابك تعنا
والقرب ماينفع عيال الهلابيس=والبعد مرواس العيال المطنا
يالله يامذري هبوب النسانيس=جزل العطايا للعطا مايمنا
ياحي ياقيوم مرسي التضاريس=وبحكمتك لارض الوطا يمسكنا
ياواحد بيديك فك المحابيس=تعقل علينا اللي له القلب حنا
وصلاة ربي عد خضر وميابيس=عليك يالمرسل للانسي وجنا
:=
ردي البسيط=
:=
البارحه دكت علي الكوابيس=جتني على ماقيل منا ومنا
وولعت نور مثل نور الفوانيس=كهارب مع لمسهن ولعنا
واطلقت عن فيض الهجوس الحوابيس=من سرعهن هاضن ولا كلفنا
وارسلتهن للي علومه مراميس=بيوت شعر اوحيتهن هيضنا
يقول في قلبه سوات الدبابيس=لاقال ابانساها دقايق لفنا
باسباب غالي ماتجيه العواسيس=مواتر اليابان مايوصلنا
دونه بنصف الدرب لندن وباريس=باقصى البسيطه والضماير تحنا
لابيس ياشاكي من البعد لابيس=قلبي مثل قلبك وهمك شحنا
ياعم اباشارك بهم الاحاسيس=وابشرح علوم عليه طرنا
بعض العيال يجودون المتاريس=يتعب لاجل يرفع مكانة وطنا
مايجلس الا في خيار المجاليس=مجالسه في ذكرهن شرفنا
وبعض العيال الله يجيرك مفاليس=لاشاف راع الفن فلا وغنا
دايم مقامه مع مقام المتاعيس=خسارة فينا ونكبة زمنا
والا الرجال لهم عزوم ومراويس=ماخاب فيهم ظنك اللي تظنا
هذا مثل عياد فرخ القرانيس=حر يجي طلعه على ماتمنا
الله يفكه من شرور العواكيس=ويكمل اللي من دروسه بقنا

الموضوع الأصلي: صوت وصدى | | الكاتب: حامد عوجان | | المصدر: شبكة بني عبس

[*العبسي*]

الــبــعــد عــــــز لـكـاسـبــيــن الـنــوامــيــس
لـلــمــرجــلــه لازم ركــــابـــــك تـــعـــنـــا
والـــقـــرب مـايـنــفــع عـــيـــال الـهـلابــيــس
والــبــعــد مــــــرواس الــعــيــال الـمــطــنــا



صح لسانك أخوي الشاعر ولاهنت

[أنكسارحلم]

صوت وصدى

صح السانك ولسان ابو عياد..قصيده رائعه.ومجاراه الروع

بارك الله فيك ابو عوجان..ولاتحرمنا من ابداعك الشخصي

ومخطوطة قلمك الرائعه



تحياتي

[بندرالرشيدي]

اقتباس من مشاركة حامد عوجان صوت عمي عالي عياد بسبب ذهاب ابنه الشاعر عياد للدراسه خارج الوطن:= ياعلي عطني من جديد القراطيس=وهات القلم واكتب بذوق وفنا تعبير من قلبه تتله هواجيس=روابع ياعلي مايمرحنا كنه على جمر الغضا بالمحاميس=يوم اتذكر واحد غاب عنا حط البحر دونه وحمر الطعاميس=يابعد دار اللي نحى عن وطنا البعد عز لكاسبين النواميس= للمرجله لازم ركابك تعنا والقرب ماينفع عيال الهلابيس=والبعد مرواس العيال المطنا يالله يامذري هبوب النسانيس=جزل العطايا للعطا مايمنا ياحي ياقيوم مرسي التضاريس=وبحكمتك لارض الوطا يمسكنا ياواحد بيديك فك المحابيس=تعقل علينا اللي له القلب حنا وصلاة ربي عد خضر وميابيس=عليك يالمرسل للانسي وجنا := ردي البسيط= := البارحه دكت علي الكوابيس=جتني على ماقيل منا ومنا وولعت نور مثل نور الفوانيس=كهارب مع لمسهن ولعنا واطلقت عن فيض الهجوس الحوابيس=من سرعهن هاضن ولا كلفنا وارسلتهن للي علومه مراميس=بيوت شعر اوحيتهن هيضنا يقول في قلبه سوات الدبابيس=لاقال ابانساها دقايق لفنا باسباب غالي ماتجيه العواسيس=مواتر اليابان مايوصلنا دونه بنصف الدرب لندن وباريس=باقصى البسيطه والضماير تحنا لابيس ياشاكي من البعد لابيس=قلبي مثل قلبك وهمك شحنا ياعم اباشارك بهم الاحاسيس=وابشرح علوم عليه طرنا بعض العيال يجودون المتاريس=يتعب لاجل يرفع مكانة وطنا مايجلس الا في خيار المجاليس=مجالسه في ذكرهن شرفنا وبعض العيال الله يجيرك مفاليس=لاشاف راع الفن فلا وغنا دايم مقامه مع مقام المتاعيس=خسارة فينا ونكبة زمنا والا الرجال لهم عزوم ومراويس=ماخاب فيهم ظنك اللي تظنا هذا مثل عياد فرخ القرانيس=حر يجي طلعه على ماتمنا الله يفكه من شرور العواكيس=ويكمل اللي من دروسه بقنا

الغالي..القدير..

حامد..بن عوجان...


صح لسانك,,ملايين..وصح لسان,,الشيخ عالي,,عياد,,,

بالفعل...صوت وصدى...لهما المفعول السحري..في اجتياح,,مشاعرنا..

والتوغل..في الأعماق...


ياهلابك..وياهلا..في حضور..حرفك المميز,,,

وبك.تشرف المنتدى...أيها السامي...


أسما تقدير....,,

.....وأجل احترام,,

لشخصك الكريم

..

[عابد العويمري]

صح لسانك ولسان عمك فانتو أهل المراجل من أول وتالي

[حامد عوجان]

العبسي حياك الله وتسلم على ماقلت

[عبدالعزيز الخياري]

واطـلـقــت عــــن فــيــض الـهـجــوس الـحـوابـيـس=مــــــن ســرعــهــن هـــاضـــن ولا كـلــفــنــا

صح لسانك ولسان ابو عياد قصائد وافيه من وافين

والله يوفق أخونا العزيز الغائب عن اعيننا وحاضر في قلوبنا الشاعر عياد عالي

وإنشالله يرجع بالسلامه ويجيب الشهاده ويرفع روسنا وروس ابناء القبيله كلهم

لاهنت على النقل

تقبل تحياتي0000000

[الزعيتري]

صح لسانك ولسان الشاعر وبالتوفيق ان شاء الله