[الهنوف]

حبيبي شوفني أمسك على جمرة هوى حبـك
أخاف إن هبّت النسمه مع النسيـان تطفيهـا
تعوّدت انتظر موعد غرامي في وسط قلبـك
وشوقي الجامح يعاند ثواني الوقـت يرجيهـا
تعلمت انتظر واصبر على سكة سفـر دربـك
وكلمه ودّهـا تصـرخ حبسنـا حبنـا فيهـا
بسألك يا بعد كلي وجـاوب حيرتـي وْربـك
حروف اقسا القسا منهو عطاك الحق تطريها
نسيت تعانق اسماعي بكلمـة يالغـلا احبـك
وتدري اني بها أحيا واسافـر فـي معانيهـا
أسامر نجمتي وارسم سفينة شوق تبحر بـك
موانينا احفظت حرفي وحرفك في مراسيهـا
وعلى صدر الوله آهه تعاند بُعـدك وقربـك
ونبضاتي شرا خوفي سهيـره فـي لياليهـا
تعرف إني مع احساسي صعب نقسا ونغدر بك
ترا اشواقـي تعاتبنـي إذا بـارت أراضيهـا
تعرف بوحدتي دونك إذا جار الزمـن عقبـك
وغير الناس مـا تغنـي حياتـي أو تحلّيهـا
مشاوير ارسمت دربي ودلّ من الوله دربـك
قصايدنا اشهدت حبي وحبـك فـي قوافيهـا
ترا مهما قسا قلبك توسّـدت الجفـا جنبـك
جروحي اللي شكت منك يجيلك يوم وتشفيهـا
********************



نسايم الساده

الموضوع الأصلي: قسوة الأشواق | | الكاتب: الهنوف | | المصدر: شبكة بني عبس

[بدر الحشية]

قصيدة رائعة وجميلة
مشكورة على النقل

[بندر الذيابي]

اختيار موفق وجدا رائع

صح لسانك ولسان الشاعره


دمتي بود

[صادق الوعد]

مشكور الهنوف على النقل قصيده في قمة الروعه

وصح السان الشاعر نسايم

[ريم عبس]

مشكوره اختي صح لسانك