[احممد الرشيدي]

مساءالخير
ما اجيد المقدمات ..
قصيده ورايكم اكيد مهم وانتقادكم اهم

/




تعال بشكيك منك يامعنيني
ماعاد فيني على الكتمان والحسره !
ضاع العمر والحزن مستوطن سنيني
ماغير اقول العوض والخير في بكره !
ويمر بكره وبعده والالم فيني
مافيه شين تغير يستحق ذكره !
من يوم بعدت والاحزان تبكيني
جفت دموعن من الجروح محمره !
ضحكات الافراح تهدمني وتنهيني
وتشيد بداخلي قصرن من الجمره !
وجروح الايام تسكني وتبنيني
عزاه يافرح قلبن مات من صغره !
عود رجيتك ترى اللي بي مكفيني
ماعاد باقي سواك اخاف لا اخسره !
عود لطبعك رجيتك لا تخليني
ترى حياتي بدونك يالغلا مره !
صحيح قلت وغرور (رشيد) مغريني
روًح تراك بغيابك شي ماافتكره !
لكن قسم بالذي سكنك في عيني
اني بغيتك اعيش الموت والسكره !
واني بدونك ولا شي يدفيني
واتشفق لضمتك وتخونيني العبره !
وليا بدت ذكريات الشوق تغزيني
مالي سوا النوم ، اترجاه وانتظره !
عل وعسى في المنام اليوم تاتيني
بسمع احبك وذاك العشق بفتكره !
ماعاد في بالي الا جروح تكويني
ولا الفرح اه يا نكره وياحقره !
عيا الفرح في بعادك لا يواسيني
ياليت تدري بغرامك وش كبر قدره !
مالي سوا صورتن وايديك بيديني
تصبر القلب ، بس قلبي نفذ صبره !
تعال تكفى رجيتك يامعنيني !
ماعاد فيني ومات القلب بالحسره!


وسلامتكم

الموضوع الأصلي: تعال بشكيك منك يامعنيني / ماعاد فيني على الكتمان والحسره | | الكاتب: احممد الرشيدي | | المصدر: شبكة بني عبس

[أنفاس الفجر]

ابيات كثير روعه يسعدك ربي

[عيد الداموك]

صح اللسانك وننتظر جديدك

[صعصعة]

صح لـسـاانـك

[عبدالهادي بن صبح]

قصيدة رائعه

صح لسانك أحمد وشاعر متمكن وجزل

تقبل مروري

[أمـ الشوق ـير]

ياسلام عليك أحمد
لله درك أبدعت بها الجزله
صح لسآنك مدداً بلا عدد
بـإنتظــار جديدكـ الرآئـع
أطيب التحايا

[أثير الشوق]

رائع ومبدع صح لسانك

[عايد2001]

وانت سالم وعلمك غانم
صح لسانك وبيض الله وجهك