[سالم الرشيدي]

يكلمني عن جروحه .. وأنا من سبِّته / مجروح !

يسولف لي عن (أحبابه) وأسولف (عنَّه) لـ حاله ..


أحس في دمعة عيونه , وتطلع من بكاه الروح ,


وإذا يفرح مع غيري . . . بكى " قلبي " و / هنَّاله .


ياليت آنا معاه اللي ركبنا في [ سفينة نوح ]
محد يقدر يفرقنا لا : عمِّي .. و لا : خاله


رسمته في قلم ناشف على قطعة خشب من لوح


و تهيألي يحاكيني !! ويبيني أرسم إظلالـه


تحرَّك طيفه الدايم . ولَعَب في حسبتي بجْموح .


يحب الخيل , و , أشعاري .. عشانه صاروا خيَّالـه


وصار بـ عيني ( الأجمل ) مع إنَّ شوي هو / مملوح ,
ولا غيره مــلا عيني وقلبي بس يصفالــه


ذبحني قلبي الساكت ! ... متى قلبي عليه يبوح ؟؟


أحبه وماعرف إني أحبـه , وأعشق وصاله


كتمت , وهذا من طبعي , وتمنيت " الغلا " مفضوح


أببيِّن له ولا أقدر !! مع إنِّي جالس قباله


أخاف إنّه بعد مُدَّه يطير ... ومن إيديني يروح !


هو نعمة من فضل ربي , ويقولوا : النعمـة زوَّالـه


لي قلبٍ من كثر حُبه على : فراش التعب : مطروح ,
لا هو " ميت "..ولا " عايش " .! ووالله إن مـااات أشواله


وحبي من طرف واحد , غلا صادق بدون مزوح


وإذا هو طاح ؟ قداامـي .. نزلَّـه / قلبي / و : شــاله .!!


شكالي وكنت له أسمع . . . وقلبي دوم له / مفتوح


يطمِّني عن " أخباره " , وشنهي آخر أعمالـه


وإذا شفته خطا بـ حقي بدون أعذار ؟ .. هو مسموح ,
في نياته ولا يدري .! وطيبة قلبه همَّالـه .


في جياته ...... . يروح الهم , ويبدِّل ( دمعتي ) بـ فروح


تمنيت البشر مثله . . . وكل من حولي أمثاله .!:$


من الله حُبه في قلبي حشى مالي ترى مصلوح ,


عسى يكبــر ويذكرني ويسمِّي بـ " إسمي " : إعيالـه

اتمنى ان تنال اعجابكم

الموضوع الأصلي: عسى يكبــر ويذكرني ويسمِّي بـ " إسمي " : إعيالـه | | الكاتب: سالم الرشيدي | | المصدر: شبكة بني عبس

[ابوياسر]

قصيده رائعه الله يعطيك العافيه
ننتظر منك المزيد تحياتي

[ابو محمد العريض]

قصيده رائعه الله يعطيك العافيه
ننتظر منك المزيد تحياتي

[حــزام]

بيض الله وجهك اخوي سالم الرشيدي
وصح لسان شاعر القصيده
وعسى يكبر ويذكرني ويسمي باسمه عياله
لاخلا ولاعدم

[ادري طيبتي غلطه]

وإذا شفته خطا بـ حقي بدون أعذار ؟ .. هو مسموح ,
في نياته ولا يدري .! وطيبة قلبه همَّالـه .

في جياته ...... . يروح الهم , ويبدِّل ( دمعتي ) بـ فروح

تمنيت البشر مثله . . . وكل من حولي أمثاله .!:$


قصيده جميله وطرح اجمل
نشكرك اخوي سالم وننتظر ابداعاتك القادمه

[فهد المويسه]

قصيده رائعه

وتقبل سلامي

[سالم الرشيدي]

مشكورين على ردودكم الاكثر من الراااائعه

ولاهنتم

[دنياك أنا]

من الله حُبه في قلبي حشى مالي ترى مصلوح ,


عسى يكبــر ويذكرني ويسمِّي بـ " إسمي " : إعيالـه


**

الله روووعه

يسلموو خيوو

ويعطيك الف عافيه

دمت بخير