[عواض بن بهلان]

بسم الله الرحمن الرحيم
السلام عليكم ورحمة الله وبركاته

اقدم لكم هذي القصيده
وامل ان تحوز لرضاكم

احدن يضيق اليا ترك له ملاييـن=من ضيقته يبكي صباح وعشيـه
وانا سبب ضيقي عنود المزاييـن=الي تركني في غرامـه ضحيـه
ابكي عليه اسنين واسنين واسنين=واسنين بعد اسنين حتى المنيـه
لانه يساوي العين ويساوي العين=ولاني احبه حـب هـاذي وذيـه
واشوف فيه اشين ازين من الزين=ومافيه غير الزيـن مافيـه زيـه
حبه جرى بـدم عبـر اشرييـن=حبه مسوي في فـؤادي قضيـه
قضيتن تشبـه قضيـة فلسطيـن=حبه حكم شارون الارحـم حيـه
حبن عما مايملك السان واذنيـن=مايشوف لو اشـر يتعـب يديـه
مابه السان اسأل ولايجيب حرفين=مابه اذان اسـأل تراهـا قويـه
اكبر سـؤال اوجهـه اللمحبيـن=وهذا سوالي ياالغـلا لـك هديـه
كيف اتفاهم باختـلاف الطرفيـن=كيف افهمه وشلون يفهـم عليـه

الموضوع الأصلي: اااااااااااااكبر سؤال | | الكاتب: عواض بن بهلان | | المصدر: شبكة بني عبس

[مسندالعويمري]

كيف اتفاهم باختـلاف الطرفيـن
كيف افهمه وشلون يفهـم عليـه

والله مدري كيف التفاهم ولكل وجهت نظر ولكن صح السانك يابو فيصل شاعر تملك قاعده شعريه

[يعقوب العبسي]

صح الله لسانك

[المهيمزي666]

صح السانك
وكثير اللي يعاني مثلك

تــــــــقـــــــــــبـــــــــل
مـــــــــــــــــــــروري

[البعيد الهادي]

صح اللسانك وتعلا شانك
يابو فيصل
دائم مبدع ما شاءالله عليك
تقبل تحيات غليص

[مرزوق العجوني]

صح لسانك اخوي ولا هنت وتقبل مروري

[عيد سعود]

صح لسانك اخوي عواض وتقبل مروري