[شداد المظيبري]

شــــــــــــــــــــــا عر ا بـــــــا نــــــــــا ت

هو شاعر غني عن التعريف الشاعر/ مهدي بن براك بن شمهليل المضيبري الرشيدي
الميلاد : 1372 هـ
مكان الميلاد : ابانات
الحاله الاجتماعيه : متزوج ولديه اولاد و لله الحمد منهم موظفين ومنهم طلاب
المهنه : متقاعد بوزارة الداخليه .
شاعر يجيد جميع انواع الشعر وقد بدء باالشعر من السنه السابع من عمره وهو من عئله تجيد الشعر من ذو العصور القديمه
له الكثير من القصائد الوطنيه وقصائد النبط والقصائد الغزليه كما يجيد شعر المحاوره ويعتبر من كبار شعار المحاوره في ابانات
له مشاركات في عدد من الامسيات الشعريه كما له مشاركات كثير جداً في الحاوره في ابانات وفي غيرها

شارك في مناسبات وطنيه كثيره وبقصئد وطنيه

هذا قليل من كثير الشاعرنا كم اوعدكم بنشر بعض قصائده ان شاء الله عن قريب

سقى الله الديار الـي تضمـك ياجبـال ابـان-----سحاب الوسم عله في ربيـع اول مـع الثانـي

يسيل الوادي الي شيخـوه القـوم بالوديـان-----طفح سيله على عرق النفـود اوصارغدرانـي

يلبسه الربيع مـن الخزامـى والنفـل بستـان-----نبات من الجبال الى النفـود اشكـال والوانـي

ثلاث اشهور تبعها الحيا ليـن (ن) جـوه زان-----على شمس الصباح اطلولهـا لؤلـؤ ومرجانـي

ربت في حكم ابو تركي وابو تركي عظيم الشان-----حكم كل الجزيره وامنه عـن كـل عدوانـي

عسا الله يعز الـي حكمهـا بطاعـة الرحمـن-----عقب ماهي ابقوم اليوم صارت كلها اخوانـي

ابانات الحمر واسمر نفـود امحيـوه وخيطـان-----ديار اهل الوفاء والجود للقاصـي مـع الدانـي

سلايل عنتر العبسي سلايل عنتـرآل غطفـان-----سلايل قوم مـن شـداد الاول شانهـا شانـي

صغير السن منهم شيخ وابن اشيـوخ للعربـان-----كبير السن منهم قاضـي (ن) للحـق حقانـي

ونعم (ن) بالقبايل كلهـا مافيهـم النقصـان-----انا اشوف القبايـل كلاهـا ذرفيـن الايمانـي

ولاحب الضليمه حيثها من زمـرة الشيطـان-----معـاذ الله منهـا شـي لاشفتـه ولاجـانـي

وانـا مهمنـي بالحـق لاراضـي ولازعـلان-----ولاحب الكلام الـي يقـول افـلان وافلانـي

وانا مدحي لربعي مايهم الـي رفيـع الشـان-----ولاهو مشتشك ابمدح ربعـي كـود قومانـي

يقوله واحد (ن) حسب كلامه والسان احصان-----((طلق)) يوم (ن) جدي في هذاك الاسم سماني

أخوكم/ شداد ابن شقاما

الموضوع الأصلي: شــــــــاعر أبانات | | الكاتب: شداد المظيبري | | المصدر: شبكة بني عبس

[شداد المظيبري]

قصيدة في ذوي عتيق من العضيان

--------------------------------------------------------------------------------

هذه القصيدة قالها الشاعر مهدي بن براك بن شمهليل المظيبري في
ذوي عتيـــّق ( أهل ام المناشير) من العضيان، أتمنى أن تحوز على رضا الجميع.






ياعبيد سلّم لي على طيور حوران ------يا أميرنا وان رحت لأم المناشيـر
سلّم عليهم عـد همّـال الأمـزان --------واعداد ما لبّوا بمكّة هـل الخيـر
ربع لهم بالطيب ماقـف وبرهـان -------ويوم الملاقا يحتمـون المعاشيـر
مركاضهم يشبع به الذيب سرحان ------والضبعة العرجا وعكف الدناقيـر
لاركبو اللي كنهن لـون شيهـان ----حجل المهار معسكرات المساميـر
سوٍ على الشيخ المجوّخ ليا بـان -----إليا أقبلـن ذلـي وذلـي مدابيـر
عز الدخيل اللي من الضد بحـلان -----لو إن حمله كبر أبانـات والنيـر
من لابة العضيان ذربين الأيمـان -----مواكرٍ تشفـق عليهـا الصقاقيـر
والمعذرة منكـم شبـابٍ وشيبـان -----لوكان والله مـا تفيـد المعاذيـر
وتمت وصلىالله علىسيد الإحسان -علىالرسول اللي هداناعلىالخيـر

[محمد المظيبري.]

مساء الخير

اخوي شداد بيض الله وجهك على نقل قصائد الـــــــــوالد



اخوك محمد مهدي ابن شمهليل

[خاتم الرشيدي]

الف شكر لك شداد قصايد رائعه ونبذه جميله عن شاعرنا

بيض الله وجهك
وتقبل خالص الود والتقدير

[ناداني الشوق]

اشكرك اخوي شداد على نقل القصيده


وتقبل مروري

[شداد المظيبري]

خـــــــاتمــ

ناداني الشوق


مشكورين على المرور وعن قريب انقل له قصائد ان شاء الله تعجبكم

[نصراويـ11ـ]

اولا ابدعــت اخوي شداد في هذا الطــرح الرائع ودائما تعانق قمة السماء في طرحــك المميــز

ثانيا الشاعر مهــدي اشهر من نار على علــم وشاعـــر يستحق الاشادهـ

دائما نستمع له يجيد صياغة الكلــمه شاعر جــزل

لاأقول لايعــلى عليه ولكــن من الافضليــه


شكرا اخوي شداد

تقبل مروري

[ابو ريتاج]

الله يعطيك العافية ع النقل والشاعر مهدي غني عن التعريف