[نادر بن مساعد]

اسعد الله اوقاتكم بكل خير

اتمنى ان تنال اعجابكم

شيب عيني يوم لديت عينـي للشمـال=شفت برقن لاح والمـزن روح يتبعـه
سقت رجلي مع مزونه وعيني للخيـال=لين جتني من لحون القصايـد قرقعـه
ياقصيدي كانك انت الدوا وانت الزلال=والله اني بيتك الصعب غيـر اطوعـه
لاكن اني عارفن حالتي والحال الحـال=من سبب فرقا وليفـن قليبـي ضيعـه
وجد حالي صاحبي مبعدن والشك زال=شوف عيني قلبي من الحنايـا يشلعـه
الله اكبر كيف ينسى الهوا واحلى الليال=يوم جسر الوصل بيني وبينه نصنعـه
لا ذكرت الخد والعين ورموشن كحـال=جبت ونه من ظميري تقـد وموجعـه
ليه يذبح عشقي اللي معه وافي خصال=ليه عقلي في فراقـه يصـد ويفجعـه
علميها يابيوتي ليـا جـا لـي مجـال=كيف دمعي في بعـاده يسيـل مدمعـه
والله اني من سلايل عريبين الخـوال=من سلالة قوم راس المعادي تصرعـه
لاكن ان الحب يصرع مطانيخ الرجـال=والهوا لا صاب قلب الهواوي يمزعـه
علميها كيف صبري غدا مثل الجبـال=ثابته في وجه ريحن تسوق الزوبعـه
علميها كان فالبعـد بيمـوت الوصـال=مايموت الحب بقصى ظميري مودعـه
علميها كل ماشفت برقن مـن شمـال=ثم هبـت ذكريـات الغـرام الممتعـه
مادريت الا ودمعي على الخدين سـال=لعنبو درب المفارق على اللـي يتبعـه

مغليكم / نادر بن مساعد

الموضوع الأصلي: شيب عيني لـــــ نادر بن مساعد | | الكاتب: نادر بن مساعد | | المصدر: شبكة بني عبس

[ابو براك الرياض]

صح الله لسانك

[مرزوق العجوني]

صح لسانك يانادر ولا هنت على الرائعه وتقبل مروري

[رشيدي^وربي^الله]

صح لسانك
قصيده جزله

[نادر بن مساعد]

ابو براك







صح الله ابدانك







ولاهنت على المرور

[نادر بن مساعد]

مرزوق


العجوني












صح الله بدنك








ولاهنت على مرورك







تقبل شكري

[مبارك الشويلع]

الله الله

صح لسانم يابومساعد


جزله من راس جزل

بيض الله وجهك عليها

ولاهنت


ننتظر جديدك الجزل المفيد

وفقكم الله

[بحــ الخليج ــر]

الله الله صح لسانك على هذه الرائعه اللي ماتجي الا من شاعر رائع وجزل ,,,,,,, تقبل مروري