[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاروة بين الشاعر ابوعوجه والشاعر وضاح اليمن

ابوعوجه

تعال يالزيدي يابو وزره وابو كعب ٍ محنـا=يامخزن امن القات والشمه ياشغال المنادي
ابوك حنا عبس كانك جاهل ٍ في عبس حنا=أهل المواقف والفعايل واسمع العلم الوكادي

ابويمن

جيانك يالاعوج وخل اسيور ماطورك تحنـا=جيناك والميعاد من بيني وبينك بالمنادي
مافيه غيرك ياقصير الطـول بالدنيـا محنـا=مايبين طيبك لين تركب فوق ظامرت الجوادي

ابوعوجه

انته بعد شفت الاعوج ضيعت دربك يامهنـا=تراك عن درب السنع ضايع يابو شمه وغادي
اركب على ظهر القطار اللي يحطك في يمنـا=واترك بلادي منت عايش ياليماني في بلادي

ابويمن

ماني بضايع عن طريقي ندغفك منا ومنـا=نعطيك من سم الكبود ومرتن مسك وزيادي
والله لاتضرب ماضرب حرن مع الزيدي تعنا=ولا حصل الايابو عوجه مثل شوراك النكادي

ابوعوجه

خلك تحت راس الاعوج مثل البعير اللي مثنى=واحط فوقك حملةٍ واحط من فوقك شدادي
ابوك حنا مـن طمـع فينـا يعـود ماتهنـا=لاتكسر الشطر الاخير اسمع كلامي يالربادي

ابويمن

هاذي علومك ماتسر اللي معك بالشعر غنا=الطبع غالب لاتطبع بالنهايه والمبادي
ماني بكاسر وانت كاسر بالبدايـه لاتعنـا=الشطر الاول مايوافق لو زعلت وقلت عادي

ابوعوجه

يالزيدي اللي فيك داخل شك رد العلـم عنـا=ياللي تمد ايديك مايمديك مع خطل الايادي
من بيننا تحكم رجال العرف يالاحس صحنا=عمك يمسى المجرشي والخال سموه القرادي

ابويمن

الشك فيكم بين جمع الناس يـوم النجـر دنـا=خذها وانا الزيدي قوي الباس وكعام المعادي
والله يالولا الخوه اني غير ازيحك عـن ضعنـا=وفضحك في وسط الصحافه هي وذاعات الروادي

الموضوع الأصلي: ابوعوجه + وضاح اليمن | | الكاتب: العالم الفلكي | | المصدر: شبكة بني عبس

[فلاح الرشيدي]

بيض الله وجهك يالغالي على التنسيق
لك ودي وتقديري

[بندر بن صبح]

صح السنت الشعار

مشكور على التنسيق يالعالم الفلكي

[العالم الفلكي]

اقتباس من مشاركة فلاح الفلاح بيض الله وجهك يالغالي على التنسيق لك ودي وتقديري

مشكور على المرور يافلاح

[العالم الفلكي]

اقتباس من مشاركة الجدي صح السنت الشعار مشكور على التنسيق يالعالم الفلكي

مشكور على المرور