[عبدالله المظهور]

اخواني الأعزاء


السلام عليكم ورحمة الله وبركاته
اليكم ماقلته في حفلة زواج الأخ الغالي
الأستاذ / خالد بن فضل بن نور العجوني
.
.
.
.
أولاً : إهداء خاص الى والده الشيخ/ فضل بن نور بن جوهر

ياربي توفقني لخوة ارجال الدين = وخوة ارجال الطيب رجال .. رجالي


وعلى طاري اهل الدين .. واهل المقام الزين = ابسأل .. واجاوب .. واسمعوا ويش سؤالي ؟


انا ودي أسال عن : فضل نور بن عجوين = وجواب السؤال الي طرحته كما التالي !


فضل نور .. فضل ونور .. من خالق الدارين = لو تفسر اسمه تعرف الحل طوالي


فضل نور .. فضله عم الاقصين والادنين = اقوله .. ولكن ماني بقولي الحالي


يعني لو شهد له شخص .. جو يشهدون الفين = وكل(ن) يقول اقولها .. واثبت اقوالي


وترى المرجله عسره .. وللمرجله دربين = شجاعة فعل يمنى .. وشجاعة بذل مالي


وابن جوهر ادركها وجاها من الصوبين = رجل لانصيته يرخص المال .. والحالي


ولاهي غريبه منه دامه من العجوين = من العزوه الي كلها ارجال .. وابطالي

.
.
.
.
ثانياً : إهداء إلى قبيلة .. العجاونه .. من بني رشيد
بدون قصور في الباقين

يطيب القصيد اليا احضروا عندي الغالين = واحب القصيد اليا تذكرت لي غالي


اناديه .. واعبر فيه .. واسري مع السارين = الى مركز الابداع بالمرقب العالي


قصيد(ن) يخاويني مادامي مع الحيين = واليا مت مات .. او .. كان به خير يبقى لي


يصيبه عطش .. وارويه من صافي العدين = على ابوي عد .. وعد(ن) اخر على خالي


ولااستخدمه للسب .. ولا الكلام الشين= مااحب الحرام ايصير ملكي .. ومن مالي


وخير القصيد الي يعزز بذكر الدين = وذكر الرجال الي لهم منزل(ن) عالي


واذا كان فيه ارجال بالذكر محظوظين = تراهم بني عجوين .. اول ومن تالي


ياهجس القوافي لو عن العجوني تدرين = جعلتيه مبدأ لكل شيله .. وموالي


وعلي حق .. كان اني بقولي من المخطين = اراهن .. وانا مرتاح .. واحط معدالي


انا اقولها من واقع(ن) شايفه بالعين = مااقول اسمعه .. واظن به .. او يورى لي


اصحابي .. وانا خاويتهم بالعسر .. واللين = ولقيت المراره عندهم طعمها حالي


ولقيت اخويا .. طال الزمن .. او قصر صافين = معادن ذهب .. ماضرها شمس وظلالي


مشوا .. واستقاموا .. مثل ماكانوا الماضين = على النهج ساروا .. بين حل(ن) وترحالي


على نهج من عاشوا .. وماتوا .. وهم وافين = يوم ان الحموله سيف .. في كف خيالي


يوم الحلق مادونه سوى قوة اليدّين = وهم يحتمون الدار في كل الاحوالي


فنوا .. وارحلوا .. لكن في ذكرهم باقين = سيرهم تبي تبقى .. وتروى للاجيالي


كذا العجوني .. والنعم .. والنعم .. والنعمين = رجل عجوني يكفيك عن عشرة ارجالي !!


ويادنياي من غير اهل الطيب وش تسوين ؟ = اعيشك .. وكني بدونهم في خلا خالي


يادنيا نبي نعيشك .. وبكره عنك ماشين = غريبه يادنيا ياعسى مالك الوالي


ونصبح معك نضحك .. ونمسي معك باكين = ونرحل مااخذنا منك لو ربع فنجالي


ادوار البشر دور(ن) يجي له بعد دورين = اخيال(ن) ردم .. وامطر .. وجاء بعده خيالي


ودرب العفون يسار .. والغانمين ايمين = وانا دربي الايمن .. ولا تقصر حبالي


لاني اقلادي .. واسمحو لي بهالبيتين = على ذكر ربعي جن الابيات في بالي


ترانا .. نرد الصاع للمعتدي صاعين = وانا اشهد .. وغيري من يصدق على اقوالي


ولا فيه حاجه عندنا اهم من شيئين = نعز الرفيق .. ونمن الخايف الجالي


وجميع البشر والنعم .. والظلم ماهو زين = ياكم .. وياكم .. ناسن من الطيب تكتالي


ولا فيه شي(ن) عند ذولا عن الثانين = وهايب يوزعها الله الواحد الوالي


وياشعري لاتبخل باي حاجه عن الغالين = على الطيبه تقدر .. ويستاهل الغالي !!!

وسلااااااااااااااااامتكم

الموضوع الأصلي: إهداء خاص لـ .. فضل نور .. والعجاونه !!! | | الكاتب: عبدالله المظهور | | المصدر: شبكة بني عبس

[وليد البراك]

الشاعر الكبير/ عبدالله بن مظهور
قصيدة وافية وجزلة والجزلة غير مستغربة منك((صح السانك))
والعجاونه يستاهلون المدح والنعم فيهم
تقبل تحياتي ومروري.

[مرآهيش]

قصيدة رآئعة فآرسهآ عبدالله المظهور

وبطلهآالشيخ فضل بن نور بن جوهر العجوني نبرآس للطيب والكرم ويستآهلون ...خوآلي الجوآهرة

ويستآهلون العجآونه

"

"

صلوآ على النبي

"

قريت القصيد اللي كتبته عن العجوين=تمجد رجالن طيبهم بالسماء عالي
رجالن وفاهم بالصعيبات غصب يبين=ومكاسيبهم ماحازها كل رجالي
رجالن على نهج السلف دوم هم ماشين=تعز الرفيق وتبذل لعينه الغالي
ولابه قصور فيك يامعرب الجدين=ربوعك هل العليا صناديد الابطالي
رجالن تضد الضد وتدخل الجالين=ومواقيفهم تذكر على مر الاجيالي

صح لسآنك ...أبو محمد

وآلف مبروك زوآج الاستآذ خآلد بن فضل بن نور بن جوهر

[عبدالله العايد]

صح لسانك ياشاعر المبدع دوووما وابداً
مشكور على القصيده وزي ماقال الاخ ونعم والله في العجاونه ويتساهلو المدح ونعم في كل القبيله من اولها الى تاليها
وشكرا ً

[فضي البراك]

والنعم فيهم كلهم ..

ولا هنتي يامراهيش على المجاراة في رجال يستاهلون ..

[كاتب الرشيدي]

قصيد(ن) يخاوينـي مادامـي مـع الحييـن

واليا مت مات .. او .. كان به خير يبقى لي

يصيبه عطش .. وارويه من صافـي العديـن

على ابوي عد .. وعد(ن) اخر علـى خالـي

ولااستخدمـه للسـب .. ولا الكـلام الشيـن

مااحب الحرام ايصير ملكـي .. ومـن مالـي

وخيـر القصيـد الـي يعـزز بذكـر الديـن

وذكر الرجـال الـي لهـم منـزل(ن) عالـي

شاعرنا عبد الله

كفيت ووفيت

والنعم بالعجاونه

وفيك

صح لسانك

[الدربيل الشاعر]

الاخ العزيز والغالي والشاعر المبدع
(عبدالله المظهور)
أنت من أهل الدين واهل النخوه وأهل العلم الغانم
ومعرفتك عز وشرف والموفق من يوفق بمعرفتك وصحبتك الطيبه 0 قلت وابدعت ولايستغرب منك الابداع والممدوح يستاهل ومن رؤس عرب بيض الله وجهك يابن مظهور ودمت اخا عزيزا افتخر بك
قد تستغرب من هذا الاسم ولاول مره تقراء له ولكن ثق بالله انه يعزك ويجلك وفقك الله ومبارك عليك الشهر الكريم وجعلنا وياكم من عتقائه من النيران آمين

اخوك الصغير ( الدربيل )

[عبيد دعيع القلادي]

الشاعر الكبير عبدالله المظهور

صح السانك وعتلا شانك

الشيخ فضل / يستاهل ماقلت به

وفخذ العجاونه من بني رشيد

ايضاً تستاهل المدح

وانت شاعر متمكن

تقبل مروري