[ولـد الـقـصـيـم]

صدمت قبل يومين بخبر وفاة الشاعر خالد عايش المظيبري والذي توفى قبل اكثر من ثلاث اسابيع ولكن الخبر وصلني قبل يومين
وتفاجأت ان منتديات القبيله ماتحمل خبر وفاة هذا الشاعر العلم والي كانت له بصمته الواضحه بعالم المحاوره ولكن الظروف ماساعدته
رحم الله الشاعر خالد الي كان ملتزم طيلة حياته ولله الحمد والناس كلها تشهد له

هذي نبذه بسيطه من الاخ مهناء المظيبري عن الشاعر خالد عايش بن شقاما


هذة نبذة مختصرة عن شاعر القلطة المعروف: خالد بن عايش بن مزيد بن شقاما المظيبري رحمه الله رحمه واسعه إنة على كل شيءً قدير ..ولو أجففنا أقلامنا بلكتابة عن هذا العملاق لن نوفي هذا الرجل مايستحق ولن تعبر الا بالشيء اليسير من أعتزازنا به .. حيث انه كان يمثل لسان قبيلته الناطق ولا يمكن ان نصل الى التعبير عن مالهذا الرجل من مكانه واحترام عند قبيلتة وغيرهم ومن عرفوه عن قرب ولهذا اقول مستعينا بالله سبحانه وتعالى
إسمـه ونسبـه :.خالد بن عايش بن مزيد بن شقاما المظيبري من قبيــلة بني رشيد
مـولـده ونشأتـه :.ولـد الشـاعر: خالد بن عايش المظيبري في بلـدة أم الرفاف الواقعه في ابانات غرب ًمن أبان الأحمر عـامـ 1387هـ ونشـأ وتـررع فيهـــا 0بداء دراستة في بلدة الغضيا عام 1399هـ
حيــاته العمليــه :.إلتـحـق الشــاعر في السلك العسكـري في قطـاع الحـرس الوطنـي بالرياض عـام 1408هـ . وانتقـل لمدينه جـده لتأديــه مهـام عملــه وواجبــه وفي عامـ 1411هـ عاد شاعرنا إلي مسقط رأسة ابانات. وفي عام 1415هـ
اللتحق بهيئة الأمر بالمعروف والنهي عن المنكر بضليع رشيد في ابانات
حيــاته الشعــريه :.بــدأ في لعب المحاورة و في كتـابة شعــر ((النظمـ)) في سنـوات مبكـره من عمــره وبـرع في قصائد النظمـ
ولـه من قصائد النظمـ الكثير 0وأمـا دخــوله في عالمـ المحـاوره فكـانت في عـامـ 1402هـ إنطلاقا من أبانات
كاشفاً عن موهبتـه الفـذه وداعمـاً لمواقـف قبيلتـه ..وخـلال مسيـرته الشعريـه الطويلـه استطـاع ان يكـون لـه جمـاهيريــه كبيره. 0ومن خلال مسيـرته قــارع الكبــار من الشعـراء ومنهم الشاعرمطلق الثبيتي رحمة الله وعبدالله المسعودي وصياف الحربي رحمه الله وعبدالله العير رحمة الله ونواف العازمي رحمه الله
وحبيب العازمي وعبدالله الاشرم وسلطان الهاجري
وأبو مشعاب السلمي وعيد ابن مربح ودحيم الخياري وفرحان منصور وسليمان القصيري و رجاالله الحربي و راضي غالي والكثير من الشعراء شاعر فريد أثرى ساحة شعر الرد بأجود الأبيات التي أصبحت أمثالا يرددها معظم محبي الشعر0
وإليكم بعضً من محاوراتة00



ماقيل على لسان الشاعر الكبير حبيب العازمي بعد أن لعب معة هذة المحاورة
خالدعايش


مرحبا في محل اهل الشرف والمهابه==بسم ابانات قلناها وبسم الاهالــــــــــي
ياحبيب ترى مافيه مثل الصحابـــــــــه==يسكنون الجنوب ويزرعون الشمالي

حبيب

البقاء بالمرحب بسمهم وبالنيابــــــه ==عدماحول الماء من صدوق الخيالي
كل ذيب يبي يتبع طريق الذيابــــــــه ==لازم انه يعدي في عسير الجبالـــــي


خالد عايش


مادخلنا القصر لولا مفاتيح بابـــــه ==والعزيمه تورث لشرف والمعالــــي
زهرة الورد ماتزهابها كل غابـــــه==لاكن الشوك في بطن الجبل وسهالي


حبيب العازمي


المطوع ليا حدث يحضر كتابـــــه==لايحلل حرام ولايحرم حلالــــــــــي
عقب مبان شيبه يوم قفا شبابـــه==مير ياطيبين الفال ياهم لالـــــــــي


خالد عايش


المراسيل جابو علم محد درابـــــــــه==صدقوه الصغاروكذبوه الطوالـي
اصبح المحترف ينقل خطاه وصوابه==يعريب العمام ويعريب الخوالي


حبيب العازمي


كان جاك الخبر من عندنا ياعتابــــه==ابشر انه مصفاء مثل نقد الريالــــــي
انت ذيبن تنومس سلته من نصابـــه==والعرب يعرفون الصدق في كل حالي


خالد عايش


اجتمعنا علا عدن عذيبن شرابـــــــه==وختفا الشايب المنحوف راع الحلالي
مايوقع وكيل المدرسه بنيابــــــــــــه==لين ياخذ من اتييد تسعين غالــــــــــي


حبيب العازمي


كل عدن رهاوي نارده منهابه==لوترد فوقه الشيبان ولا العيالـــــــــــي
مايموت السؤال الاتموت الاجابه==ودي اعرف جوابك ثم تعرف سؤالي


خالدعايش


ياحبيب ليا قامت عليك العصابه==وش تسوي بها لو انت مثل الهلالي
اخر الوقت مافلكون هاذا غرابه==عرق بالجسم مر وعرق بالجسم حالي


حبيب العازمي


كا قامت عصابه مانروح نهابه==المجانيين كد ربطتهم بالحبالي
ياجماهير جاء بالكون شبه انقلابه==من خبرله مطوع لابسله عقالي


خالدعايش


مانبي وداي السرحان لولاشعابه==شجرته للخفاف وثمرته لثقالي
ابوفيصل لعب قلطه وعود وربابه ==واخر الوقت لونه يصلي يلالي


حبيب العازمي


لوضرس الجمل ياصاحبي طول نابه==اكثر الناس روح في حلوق الجمالي
البلا الي يغني عقب قصر ثيابـــــــه==قبل يقرا رباح وبعد يذن بلالــــــــــي


خالدعايش


ماغذا قلبك الابعد فول القلابه==مامعك كبد تاكلها ولالك صحالي
يقول حبيب العازمي أن هذا الشاعر يذكرني في حياة مطلق الثبيتي
00000000000000000000000000000000000000000000000000 00000000000000000000000000000000000000000000000000 00000000000000
يتبع الطاروق الثاني في نفس اللحفلة

حبيب العازمي
سلامي سلامن راجن بالموازين=على ارض الله الي تحت فيت سماها
اخذنا من الدنيا واخذنا من الدين=وشفنا الحياة وجهها من قفاها

خالد
هلا عن قبيلة كاملة واهل ابانين=يصعب النفوس ولانت قادر رضاها
الاياحبيب ننصحك كل عامين=وفرق الرجال موضحن في لحاها

حبيب
ابعطيك ماريرضيك حاضر وبعدين=ولاهو بشغلي كان دارت رحاها
الا يالمطوع روح حررفلسطين=ترا من يدورلشهادة لقاها

خالد
ياسبحان ربً كون ادم من الطين=ونفسً تطب النار سبت خطاها
ليا قلت طول لحيتك قلت بعدين=واذا شفت حاجة قمت تركض وراها

حبيب
حديثك صحيح وثابتً بالصحيحين=لاكن الحقيقة كيف عينك تراها
لو الدين بلحية يقل المصلين=ترا العالم الافغان فازت علاها


خالد


عطوك العرب بشتً جديدة وسكين=وردوك عن تيماء على كثر ماها
يقولون عصر العولمة خرب الصين=ولافسد اهل الصين غير اعلماها

حبيب


انا اخذ بكفي ماشحذت المساكين=وتيماء نصيبك والعرب ماتباها
الا يازمان الفين وش بعد الاللفين=ترا الناس ترجي لاتخيب رجاها

خالد
كشفنا مرض عبد الغني بالشريين=وتبقى الاشاعة ماكشفنا غطاها
يقولون مابة صلح من غير شطرين=ومن دونها غامد تكرم لحاها

حبيب
ابنشدك هاذا العلم رايح على وين=اضن السواري ثورت في خبها
ترا كل شيءِ لة شروط وقوانين=تعش الذيابة لاتعود عشاها

خالد
ترا الجندي الموجود في حرب تكرين=يعود على اهل المنطقة واقصاراها
على الراس والعين=على شان منقود الحياة وخطاها


حبيب
لياعادو اللي حررو بدر وحنين=تصيح النصارى لين ترفع يداها
يازين الكلام الزين من يكرة الزين=لاكن العرب فيها بلا وش بلااها



خالد
بقا من سنونك يابيض الوجة سنين=وحنا عطيناك الغنم في عصاها
ترا ياحبيب ساكنين بين حدين=عليها المحاكم هونت عن قضاها

الموضوع الأصلي: الشاعر خالد عايش المظيبري . رحمه الله | | الكاتب: ولـد الـقـصـيـم | | المصدر: شبكة بني عبس

[عاشق الطير]

الله يرحم الشاعر خالد ويسكنه فسيح جناته

نعم المحاورة التي ذكرتها اخوي موجودة في مقطع فيديو ، وهو مقطع لحفلة كاملة ، عند المضابرة في أبانات ، والمقطع موجود في أحد منتديات بني رشيد ،،،


الله يرحم الشاعر خالد

والله يجزاك خير اخوي ولد القصيم على هذه النبذة التي قدمتهـا لنـا عن الشاعر خالد المضيبري ،

شكرا لك ،،

[ولـد الـقـصـيـم]

امين يارب

الله يرحمه ويغفر له

والعفو يا مخلب الطير هذا اقل شي نقدمه للشاعر خالد الله يرحمه

[الموج الهادي]

الله يرحمه ويسكنه فسيح جناته
ولاهنت ياولد القصيم

[سحايب]

الله يرحمه ويسكنه فسيح جناته

[سيف المهيمزي]

الله يرحمه ويسكنه فسيح جناته

[المحلل]

الله يرحمه ويغفر له ولاهنت ياولدلقصيم

[شلاش]

الله يرحمه ويسكنه فسيح جناته
إن لله وإليه راجعون