[سي لايف]

بسم الله الرحمن الرحيم

السلام عليكم ورحمة الله وبركاته

وتعيد الشبح الغارة الثانية لتتفجر من بطون السباع محاورة من النوع الصعب الثقيل التي امتازت بعدة ألوان لا تستطيع أن تقرأها على لون واحد

أمطرت سماء قنابل الشبح و تفجرت درر الكابتن إليكم محاورة :

(الكابتن x ابن الخميلي )

ابن الخميلي

هلا يامرحبا يالكابتن الطيار كيف الحال=عسى ايامك سعيده والليالي عايشن فيها
نباك تسوقها وحبالها بيديك يالجمال=علشانك من اهل العرف واهل العرف اخاويها

الكابتن

يدوم الك البقا وانا بخير وبادي الأمثال=عسى شهر رمضان الله يعيده وانت راعيها
مدامك جبتها اسمع منك عطنا العلم يارجال=عسى الله يكتب النا الخير ويزين مساعيها

ابن الخميلي

لقينا فاليمن حوثي لقينا فاليمن محتال=علام اصحابنا ياصاحبي كثرة طواريها
اسندها على حيد الجبل يوم الجبال اجبال=دخيلك تعتني باللي وصلك ولاتجليها

الكابتن

انا بين الكويت وبين مكه ياالخوي رحال=ولو ان الخير كله بااليمن رجلي ما اعنيها
الا ياالله دخيلك كان هذا الفال مامن عقال=ابمسح في يميني لحيتي واقفي واخليها

ابن الخميلي

تبصر بالحياه اللي تناسب وانت نسل ابطال=ترى ماهيب يمك لاتروع من خوافيها
عطيتك من علومي والجواب بحفنة الشيال=تمعن فالمعاني واللحون اللي تغنيها

الكابتن

لك الله ما عليكم زود يا بو زيد بيا حال= وانا ما اخاف من كثر السوالف لو تسويها
علومك واضحه ومجاوبه كم باقي ٍ سوال= انا صراف والعمله ليا جتنا اعتني فيها

ابن الخميلي

على نظني وضنك واطرح الرجلي مع الخيال=تراني مبطين والناس تتعب من يراعيها
ليامنك مسكة الذيب الاشهب جود الاغلال=علشانك على ايدينك تاكد من مراميها

الكابتن

انا ابنشدك جاوب لا تقول إن العلوم اثقال= عيال ابن الخميلي باالجزيره من يواليها
عطيتك فرصه وهاالحين زانت طعنت القتال= على ماض السنين اللي كفانا الله بلاويها

ابن الخميلي

عسى منته بعساس البلاد اللي وراناشمال=بعد رد الاجابه كيف احصنكم واسميها
انا من لابتن لاحلة الغبر وطاح الشال=علوم البدو راحت انت بالجره تباريها

الكابتن

انا من محتمين الساقه اصحى والعلوم اطوال=ياراعي الشامه اللي باالمطيه كيف نمحيها
ماذمك لا تضايق خل عندك معي وسعت بال=الا يا شيب عينك والسوالف وين تغديها

ابن الخميلي

شقلت علومنا وانته وانا منول على الموال=الا ياقرب مسكة من تصومعلي باذانيها
تبا اطيح الذلول اللي بيدها من زمان اعقال=وانا خابرك تجهلني بعد بانت مكاويها

الكابتن

شقلتك كلك بكبرك ونزلتك على المنزال= وخليتك تخطفها من الروعه وتخطيها
علومك عودت من عقب ماكانت سمان هزال= عيال شيوخ وعلوم الضعافه ماندانيها

ابن الخميلي

على بالحرام اني صحيح القول يارجال=ولاجبت الغشش للعريباتن مجانيها
والا يالكبتن الكيه تراها مقصدي مازال=احشمكم عن علوم الردى منتم باهاليها

الكابتن

تحرم بارك الله فيك لكن واصل الأرسال=على جمر الغضا رجليك ترفعها وترخيها
ياكثر اللي لحاهم شيبت في مستوى الجهال= دليل إن القيامه باالعصر بانت مواريها

ابن الخميلي

عطيتك عذر من شان الملامه م تجينا اقبال=وانا ماهمني مسعود لوجاني يدربيها
انا وياك لقضاة المعاني والرجال افعال=جهلت المعرفه مير الدواء بيدي و اداويها

الكابتن

ياراع المال عندك مال لكن باح كل المال= بيوتك عن عواصيف الهواء حاول تذريها
شف محمد ولد ردعان يمكن قاضي وحلاال= وانا راضي ليا وصلت قضيتنا لقاضيها

ابن الخميلي

والا يالكابتن اللي رحلتك بكره على الصومال=دموعك من عذاب الوقت يامكثر عباريها
وانا واثق بقولى وانت دور لاشهر شوال=علشانك تريح يوم نفسك جاك مغويها

انتهت
صح لسان الشعار

الموضوع الأصلي: هذي هي (( المحاورة )) ولا فلا | | الكاتب: سي لايف | | المصدر: شبكة بني عبس

[ابن الخميلي]

بمان الاسم يحمل ترجمه احب اقو لك ثانكيو سي اند نايس تيميتيو

[حاول تفتكرني]

السلام عليكم ورحمة الله وبركاته
تقبلوو مروري

[وحيد]

صح السان الجميع
وتقبلوووو مروري

[سعد بن عادي]

بيض الله وجيهكم عز الله محاورة قويه ..

[ناصر خنيفر]

صح السان الجميع

[فتى عبس]

صح لسانك يا ابن الخميلي وصح لسان ابو طياره

بيض الله وجيهكم على الطاروق

ابن الخميلي عزالله انك شاعر جزل وكفو

ولا يهون الكابتن الطيار من انت ؟؟؟هههههههه

[ابن الخميلي]

فتى عبس بيض الله وجهك ولاعليك زود يالغااااااااااااااااااالي