[ناصر الفلاح]

اترككم مع المحاورة اللي اكثر من رائعة

نــــــــاصـــــــــر

مرحبـا والحظـور يبلغـون الغيـاب عن وقايـع لقـا ليلـى ومجنونهـا=
كان ليلي معك ياطيب العـرف طـابعلـم ام المجنـن تمسـك جنونهـا=
صــــــــيــــــــاف
يوم شفت الولد ناصر زهمته واجـاب=أكثرألناس قامت تضـرس سنونهـا
تزعل طيور شلوى من نعيق الغـراب=مير اظن السوالف ذيـك مادونهـا
نــــــــاصـــــــــر
وسع البال ياصياف واحسب حسـاب=أمش والرجل درجها علـى هونهـا
أنت مثل الهبوب اللى تلف الهضـاب=والهضاب الهوى ماحـرك ركونهـا
صــــــــيــــــــاف
شفت في تل ابيب مذلقـات الحـراب=أثـر حتـى اليهوديـه يسنونـهـا
لاتزعـل حبيـب ولاتزعـل حبـاب=تنكشف بقشـة الحجـه وليمونهـا
نــــــــاصـــــــــر
وش يوديك لأهل النار وهل العـذاب=لا تحك العيـون تجـرح جفونهـا
قبل تنزف جروحك وانت منت بمصاب=أغسل ايديك في ماهـا وصابونهـا
صــــــــيــــــــاف
لو تخاف الذيابه من نبيـح الكـلاب=ماتشوف الهنود تغسـل صحونهـا
مادخلت الصلاه ولا سمعت الخطـاب=مير جازت لك الصـوره وكربونهـا
نــــــــاصـــــــــر
أنت مثل الذياب ولنت مثـل الذيـاب=الذيابـه تبيـن وينعـرف لونـهـا
مادخلت الصـلاه الا بزيـن الثيـاب=لاتغش الرجـال وتخلـف ظنونهـا
صــــــــيــــــــاف
أنت تبغى العوافي مير فيـك التهـاب=لهبـة اللوزتيـن اللـي تخبرونهـا
طالت المعركه يبقى لـك ألأنسحـاب=وش تبي بالطبـول اللـي يدقونهـا
نــــــــاصـــــــــر
كيف أسب الرجال وكيف اعاتب عتاب=أطلعت شجـرة الزيتـون زيتونهـا
مابقى الا تعذرب في رعود السحـاب=حسبي الله علـى دنيـاك وفنونهـا

الموضوع الأصلي: \\\محاوره بين الشاعرين -ناصر مرسال الرشيدي --والشاعر صياف الحربي رحمه الله \\ | | الكاتب: ناصر الفلاح | | المصدر: شبكة بني عبس

[ناصر الفلاح]

وين الردوود

[أبو نوح]

مشكور على المحاورة الرائعة

سلمت يداك

[مرزوق العجوني]

يعطيك العافيه اخوي

[الشقردي]

جميلة هذه المحاورة

[ناصر الفلاح]

شكرا على المرور

[ايه*** انا]

مشكور أخوي ناصر الفلاح



رحم الله صياف الحربي وأطاااال الله بعمر ناصر مرسال وصح لسانه

تقبل مرورررري

[سعد الفلاح]

رحم الله صياف وصح اللسان الشاعر المبدع ناصر مرسال وشكراً لك اخي ناصر وتسلم يمينك