[المر العذب]

سلم على اللى مرابط في سما الخوبه=واللي على مدفعه واللي بدبابه
واللي بدوريته واللي مسك نوبه=واللي بقمة جبل دخان مرقابه
واللي ركز راية التوحيد منصوبه=خضرا ترفرف عزيزة ربع منهابه
هامات ماتنحني وأعمار مجلوبه=في بورصة الموت مجلوبه وجلابه
ياماحلى جرة الحوثي بعرقوبه=حتى يعاف الحدود ويكره أصحابه
اصحابه اللي غدوله هم وعقوبه=اللي ملو جعبته بأحلام كذابه
هملق جت لجيش الفرس مندوبه=متخلطه من حرامية ونصابه
لويعرفون السعودي ماتمهزوبه=ولا قادوا ركابهم للشر بركابه
باعوا (يمنهم) وعهد الجار خانوبه=لين أونسو حرها من ضرب مخلابه
راحت طوابيرهم خذلا ومرعوبه=وصفوف متشرذمه ونفوس مرتابه
جونا من الطيش في سكرة وغيبوبه=وأقفوا وكلٍ يعض من الندم نابه
دايم وعدوان بيت الله منكوبه=من عصر جيش أبرهه والفيل وأسرابه
اللي يبي سلمنا نعطيه مطلوبه=السلم سلم لنا والشرع وصابه
جناتنا وارفه والنار مشبوبه=وبالخير حنا لها وللشر حرٌابه
ومن جا مصافح نوفي حق ماجوبه=ومن جا يعاند لعنا جد من جابه

مساعد الرشيدي

الموضوع الأصلي: ياماحلى جرة الحوثي بعرقوبه | | الكاتب: المر العذب | | المصدر: شبكة بني عبس

[محمد الراشد]

صح لسان الزعيم
واقترح
ان يكون العنوان يامحلا جره الحوثي بعرقوبه
لاهنت يالمر العذب

[ابو بيان]

صح اللسان الزعيم مساعد الرشيدي وبيض الله وجه على النقل

[عبدالله عوجان]

الله الله

اجمل من اجمل جميلة

شكرا لك المر العذب

[العبد الابيض]

الله كلمات في قمة الجمال يااااااااا (( المر العذب )) وبصراحه اتحفتنا في

هالنقل الراقي ولك تحياااتي والله لايحرمناا جديدك وننتظر جديد

مساعد على احر من الجمر

[(فارس الرشيدي)]

الله الله

اجمل من اجمل جميلة

شكرا لك المر العذب

[(ابوعواض)]

بيض الله وجهك

قصيده رائعه جدا


صح الله لسسان الزعيم ولاهنت يالمر العذب

[بدر حيي]

صح اللسان الزعيم مساعد الرشيدي وبيض الله وجهك على النقل