[عبدالله الصفران]

هذه القصيدة منذ الوهله الاولى احسست انها تلامس مشاعرنا بشكل كبير
واحب ان اهديها الى من يدرك انها له...


ما يشبهون لبعضهم يا صاحبي فيه اختلاف

اللي نوى خير وعمل واللي نوى شر وعمل

الخير واجد لو نبي والشر فالعتمه يشاف

لو يختفي ما يختفي إلا على واحد جهل

اليوم لو نزرع امل.. بكرا نبي جني القطاف

ننسى مشاركنا الفرح نذكر مشاركنا الزعل

اللي يموت من الغرق لو عاش ما اختار الجفاف

تناقض الرغبه قدر محدٍ يخطط للفشل

اسهل نصدق كذبنا ونشوف خلق الله نظاف

صعبه نصدق حلمنا لو حلمنا صدفه حصل

نضحك على كثر التعب ما نعتبر من شي طاف

في كثر ما نلقى فرح يا كثر ما مات الأمل

وين الصديق من العدو اشباه والنيه ضفاف

وين القلوب الطاهره اللي تبادلنا الوصل

ما هو قوي اللي قدر يضحك على قلوب الضعاف

دام الهوى ضعف البشر ما سمي الخاين بطل

فعيوننا شيٍ غريب نظرات ما فيها اعتراف

كلٍ تغير معدنه من قسوته محدٍ خجل

لو قلتلي يا صاحبي.. يا صاحبي فيه اختلاف

طبعاً ترى حنا بشرما فينا واحد اكتمل
على متن الالم سافر واترك لي مجاديفك
ولاتنسى تلوح لي تذكرني بغيباتك
وخذ وقتك من ايامي وخذ من ليلتي طيفك
وخذ ماضي بنى صرحه على وهمك وكذباتك
ولو يشقى العمر بعدك شقى عمري دهر زيفك
انا مابيك تنظر لي ابيك تنظر لذاتك
تمعّن في تقاطيعك وانت احكم على كيفك
بدون اقناع ابي تحكم على وجه سكن ذاتك
خدعني همسك الكاذب غمرني بالمطر صيفك
وكنت افرح ولا اعرف نهاية كذب همساتك
فقدت أحلامي بحضــــنك رحلت اتبع سواليفك
معاها خطوه بخطوه خانتني مسافاتك
حبيبي لملم شتاتك ورحب باللالم ضيفك
ولاترجع تلوح لي خلاص اعتدت غيباتك

الموضوع الأصلي: قصيدة رائعة جدا | | الكاتب: عبدالله الصفران | | المصدر: شبكة بني عبس

[سعد محمد]

صح لسانك أبيات جزلـه

وبيض الله وجهك .

لا تحرمنا جديدك ’’’’

[احمد منيف]

تصدق اخ عبدالله كنت مستمتع بقرائة القصيدة وتفاجئة بالطامه الكبرى . ان هناك قصيدة ثانيه ...؟؟؟؟؟؟؟؟

عبدالله شفيــك ؟؟؟ ^_^

[كحيلة]

على متن الالم سافر واترك لي مجاديفك ولاتنسى تلوح لي تذكرني بغيباتك وخذ وقتك من ايامي وخذ من ليلتي طيفك وخذ ماضي بنى صرحه على وهمك وكذباتك ولو يشقى العمر بعدك شقى عمري دهر زيفك انا مابيك تنظر لي ابيك تنظر لذاتك تمعّن في تقاطيعك وانت احكم على كيفك بدون اقناع ابي تحكم على وجه سكن ذاتك خدعني همسك الكاذب غمرني بالمطر صيفك وكنت افرح ولا اعرف نهاية كذب همساتك فقدت أحلامي بحضــــنك رحلت اتبع سواليفك معاها خطوه بخطوه خانتني مسافاتك حبيبي لملم شتاتك ورحب باللالم ضيفك ولاترجع تلوح لي خلاص اعتدت غيباتك

صح الله لسان شاعرها..وتسلم يمينك على نقل القصيدة الطيبة..
مشكوووور..ولاخلا ولاعدم..

[فواز الدواي]

تسلم على القصيدتين

يابن العم

دمت بحفظ الله

[عبدالله الصفران]

هلا يا ولد العم انا اخذت القصيدة من موقع اخر ونقلتها مشكوووووور والله يعطيك الف عافيه

[فهيد سعدي]

صح لسان شعرها ومشكووور على النقل

[عبدالله الصفران]

يهلا وغلا اسفرت وانورت واستهلت وامطرت علي مروورك