|
خيارات الموضوع |
|
قصيدة مرسلة من الشاعر عايش الجويسري إلي الشاعر شبيب بن جعيلان الدغباسي الرشيدي::
يا((علي)) وصل لي سلامي لملفاه=سلام(ن) أحلى من حلاة الطريفه سلام من قلب(ن) سليم(ن) بمعناه=سلام نفس(ن) يم نفس(ن)شريفه ألذ وأحلى من غدير(ن)بمضماه=وألذ من در البكار بعطيفه ينصا الرفيج اللي على العسر يلقاه=أبو هلا يوم الوظايف ضعيفه أهو((شبيب))اللي عسا النذل يفداه=إله السلام مع المعزة نظيفه سلم عليه عداد مزن(ن)نثر ماه=وقل له يجي للدار ((يترك مصيفه)) القيض راح وبرد الوقت بتلاه=عقب الرطوبه هب شمل(ن) خفيفه أتلى نجوم القيض بين وشفناه=إلا سهيل النور ماأطلع رديفه هذا كلامي يا((علي))وده إياه=الزود إله والفرق معه النصيفه رد الشاعر/شبيب بن جعيلان الدغباسي على الشاعر/عايش الجويسري::
يامرحبا باللي أكتابه قريناه=عد الجراد اللي أنتهض في رفيفه
ترحيب(ن) أحلى من العسل يوم ذقناه=صفي وقلط بالصحون النظيفه أحلى على اللي غط من عقب مسراه=ماشدته عنى وعنك الوظيفه بالصاحب اللي تبذل الطيب يمناه=عز الرفيج وعز جاره وضيفه راع الصخا مهو شحيح(ن)بدنياه=ريف الهشالا بالسنين الكسيفه يابو((علي))ليته صمل في مخاواه=ماشدت عني وعنك الوظيفه شفت الكتاب وكن عيني تحلاه.=وهلت إعيوني بالدموع الذريفه يوم أنتبهت وشفت ماني بوياه=وبيني وبينه أدروب(ن)كليفه أنا بوسط((الشام))وأسكن قراياه=وهو مداهيله ((جنوبي منيفه)) با((لسالميه))مسكنه لاعدمناه=يسكن بها دايم خريفه وصيفه يسكن بهالديره مقيضه ومشتاه=يم البحر بيته على جال سيفه نجد((الكويت))اللي عسا الوسم ياطاه.=ويل(ن) على صيف(ن) تتابع خريفه تمشي أبحاره والشعيب بشقاياه=وأم العماره))تمتلي والرديفه من شان راع البر يطرب لمنداه=يشد من عده وينزل بكيفه نصف الشهر لطاف تشبع رعاياه=يشبع حلاله ماتعب بتعليفه الرجل لونه راح يرجع لمرباه=أيام وإلا الخد هذا نعيفه أيام لينه يبرد الوقت وأنصاه=يقفي سموم(ن) يحرق الوجه هيفه لو كان مسكان العرب ماشكيناه=مير الوطن غالي ولامن وصيفه يابو((سعود))اللي بغيته بغيناه=هذا طرب قلبي وعيده وريفه ليا ذكر صيدن بعيد(ن) ((نحرناه)).=لو كان في خد((الحجر والحتيفه)) من فوق((هافن))يقطع الدرب ممشاه=منوة وليف(ن) مبطين عن وليفه ماأذكر تعطل يوم ولا ((قلصناه=وجهن مبارك والسعد له حليفه))
|
|
|
|
فهد المويسه
صح لسان الشاعر عايش الجويسري وصح لسان الشاعر شبيب بن جعيلان الدغباسي الرشيدي ولاهنت على النقل الرائع والمميز لك تحيتي ...
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
مجاره لقصيده مرسله من احد الاصدقا | خليف الوهيداني | منتدى الشـــعــــر | 5 | 24-05-2013 04:29 PM |
ابيات مرسله لسبع الضاري من وضاح | البرمكي | منتدى المحــــــــــــــاوره | 9 | 21-08-2010 04:58 PM |
كما .... وصلني .... أرسله... - B | ابوباسل | المنتدى العــــــــــــــــام | 9 | 13-02-2009 05:02 PM |
قصيده مرسله على السبع الضاري | ناصر خنيفر | منتدى الشـــعــــر | 19 | 03-01-2009 02:16 PM |
يا علي/ لشبيب جعيلان | فهد المويسه | قسم قصص وتاريخ القبائل العربيه | 36 | 01-08-2008 04:31 PM |