[سعد الشقل]

السلام عليكم

محاوره العنيد خالد العبسي والشاعر المتألق ناصر الشويعلي بعد التنسيق



خالد العبسي

الليله المعنى يابو خالد على حد السحاب =فتح عيونك زين والحبه على نيشانهـا
بيني وبينك ياناصر حبة خشم وإلا عتاب =اختار وحده من حدا الثنتين من عنوانها

ناصر الشويلعي

الليله المعنى على راسك خطاء والاصواب = فتح عيونـك زيـن والبنيـه علـى سيسانهـا
لاضاق فيك الكون حب الخشم حبه لاتهاب = مافـيـه حــل الا كــذا ونــار مـــن دخـانـهـا

خالد العبسي

انته وانا في دار ّصك الباب ولافك باب = اختار فالبابين والحراس شوف وزانهـا
ياذيب يومنك على الطالات عاوي للذياب=وراك تخلط صاحي العربان مع مرضانها

ناصر الشويلعي

انتـه وانـا واليـوم اباحاسـبـك قــدام الحـسـاب = ياللي توكـل نـاس ماشـان العـرب مـع شانهـا
وشلون تنشدني وانا اللي باغي ٍ منك الجواب=وانت تعرف من ساكن الديـره ومـن سلطانهـا

خالد العبسي

يافص ملحة يوم زاد المـي ذاك الفـص ذاب =احلف على اللي كل ليـل امشطـه جدلانهـا
راسي محشم وانت ميقاعك على سطح التراب =واللي يشوف من البشر ماهو كما عميانهـا

ناصر الشويلعي

بانـت نقـاط الضعـف وانتـه ماتسويـلـك ذبــاب =احلـف عليـك مـع الهنـوف اليارقـص شيطانهـا
هذي علوم اللي مايدخل غير في وسط الخراب = والله يـالـولا قــدر ربـعــي لـحـشـرك باركـانـهـا

خالد العبسي

الراس مايرجع ذنب لو قيل له حضرت جناب = والكل عارف دورته عـد الطويلـه عانهـا
ليا شبكنا عمتـك منتـه بفكـاك النشـاب = وتصير في قبضة يدي والقوم اقص ايمانها

ناصر الشويلعي

ياصاحبي خالد علومك مثل ضحضاح السراب = الــراس راســي والرعـيـه تنـعـرف رعيـانـهـا
اشبـك والدهـا يـنـوب عنـهـا يالعـلـك الـذهـاب = وقبـض عليـه بقبضـة (ن)تشبعـك ياجيعانـهـا

خالد العبسي

على شواربك الزبد والعلم مافيـه اغتـراب=غرك كبار ظهورها لكـنّ امـس إبطانهـا
ياللي تغنّى بالرضا يوم السواري في القراب =في كل يوم وليل تشرب من حدى قدحانهـا

ناصر الشويلعي

على شواربي الدسم والانت زادك والزهاب =يخاشـرك فيـه الحميـر الخضـر مـع ذبانهـا
ياصاحبي خالد وانا طالبك لايطول الغيـاب = تـراي اعـزك مثـل ماتعـز الخـوان خوانـهـا

خالد العبسي

ياليل يامحلاك ياليل السعد تحت الضباب =بالعمه اللي كل ليـل مكرمـه ضيفانهـا
ارسملك المعنى ولكن دون عينينك حجاب = مير العرب وشلون تفهم من لغة طرمانها

وشكراا

الموضوع الأصلي: خالد العبسي وناصر الشويلعي بعد التنسيق | | الكاتب: سعد الشقل | | المصدر: شبكة بني عبس

[*العبسي*]

الله يعطيك العافية أخي سعد الشقل على تنسيق المحاورة

[عبدالعزيز الخياري]

الله الله

محاوره قوية ناصرالشويلعي-خالد العبسي

مشكور اخوي سعد الشقل على التنسيق


تقبل تحياتي

[سعد الشقل]

العبسي هلا وغلا اخوي نورت حاضرين لطيبين

هذا واجبنا طال عمرك

تسلم على المرور

[سعد الشقل]

حياك الله اخوي المشرف عبدالعزيز الخياري

وشاكر لك المرور

[خالـد العبسي]

عشت عشت يالشقل

[معيوف ابن زهيميل]

يا اخوان والله المعلومات صار فيها لخبطة ، هالمحاورة بين ناصر الشويلعي وخالد العبسي المظيبري وإلا خالد العبسي اللي موقوف؟

[الاجهر]

والله مدري يبناخي الله الى يعلم - لاكن الطلق الى ما يصيب يدوش
ولاجهر عندة حاسية مثل حاسية كاشفة الالغام والمتفجرات يؤشر
والاجهر تعامل مع الاحداث بحكمة وحذر
وانت الشاهد الاول يابن زهيميل والشهادة سجلت بوقت الاحداث ولا يمكن العدول عنها وكل شي محفوظ
اية يلي يلغط على بني عمة - يالله الدنياء دروس