[سموالمعالي]

هذه القصيده بالامير//ابراهيم بن غثي امير قبيلة الخيارات رحمه الله وانا اقول امير قبيلة بني رشيد كافه

يــــاقلب ساعدني على نظم الاشعار***وهات البيوت اللي ينومس خبرهــــا
هــــــات البيوت الي كما لول محــار ***والا الفياض الي تطارد زهرهـــــا
وركز على اللي كاملن واف الاشبــار***دون القـــبيله عــزها هو فخرهــا
ابــــن غثي اللي له النصر دوار***ضـــد القلـــوب اللي خبيــــــثن كدرهـــــا
ابراهيـــم حر اليا طلع بالسماء طــــار***وحول على ناسن تخطط خطرهـــــــا
اليـــــا وقـــف في ماقفه جاب الاثمار***واللــــيله الـــظلما ينــور قــمرهـــــا
يوم ادرج من فوقهـــم حــــر سنجار****خـــل النفوس اللي خبيثه دمـــــرها
والله ماقــــــوله على همش الاخبار***يشهد شري واد العلا من ديرهــــــا
كامل مكمل من عزيزين الاخيار***سوالـــــــفه بالــــــطيب كـــلن ذكـرهـــا
يالله يالي ترزق النمل بالغار***مـــــن جنة الــــفردوس يقطف ثمرهــــــا
تغفر ذنوبه يالولي وانت غفار***واليــــــــا نوى ربي ذنوبه غـــفرهــــــا
انا اشهد انه حر من ناسن احرار***خيــــــارات بالماقف قوين ظفرهــــا
اهل الكرم لضيف شبابت النار***ذباحت الحــــايل لضيفن خــــطرهــــــا
اهل البيوت اللي مبايين وكبار***مثل الجبــــــال اللي يذري حــجرهـــــا
بيوتهم تنزل وترحل عن الدار***وبـــــــهايم الانعام ينـــــــطى وبرهـــــا
ولا بيوت اليوم قصرن على جدار***مع طفيت المبات يظلم سفرهــــــــا
هي حالت الدنيا ترى الوقت دوار***الله يكافينا مصايب قـــــشرهــــــــا
وصلات ربي عد هتاف الامطار***اللي من المنشاء مزونه ومـــرهـــــا

الشاعر//صويان صالح الشويلعي الرشيدي

الموضوع الأصلي: قصيدة رثاء بالامير ابراهيم بن غثي لشاعر صويان صالح الشويلعي | | الكاتب: سموالمعالي | | المصدر: شبكة بني عبس

[ابن اخزيم]

صح لسان الشاعر صويان صالح شاعر كبير وغني عن التعريف
والله يرحم ابن اغثي ويسكنه الجنه